網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2014年2月5日 星期三

[FACE 350] 阿 SaWilliam 鬼祟團年 MF,




阿 Sa坐駁艇期間全程煲電話粥,而且神態輕鬆,似乎係同 honey陳偉霆傾緊偈。

FBI

阿 SaWilliam 鬼祟團年

農曆新年大家去咗邊度玩?四出拜年定留喺屋企打番幾圈?年中無休嘅 FBI當然冇偷懶,過年都繼續搵料啦!

雖然唔少名人明星都出埠避年,不過大年初二( 1號) FBI照樣撞到星喎。嗰晚 FBI喺深灣遊艇會附近發現阿 Sa揸住駕新 Benz四圍兜,阿 Sa喺遊艇會門外嘅停車場泊低車後,就連同幾位親友一支箭咁上咗前往珍寶海鮮舫嘅駁艇,似乎趕緊去同親友食開年飯。

點解阿 Sa新年流流放假都唔陪男友陳偉霆( William)?大家千祈唔好誤會佢兩個感情有變, FBI收到風,查實二人年三十先孖住上英皇老闆楊受成喺淺水灣嘅屋企食團年飯,同場仲有祖兒、謝霆鋒同杜汶澤等英皇星。而呢晚大年初二, William就因為病咗,所以要留喺屋企休息唔出得街,所以阿 Sa惟有單拖去同親友食開年飯。 FBI仲發現阿 Sa一路坐艇一路煲電話粥,睇怕都係要呵番 William喇!

阿 Sa同幾位親友急急腳等船,不過上到船,阿 Sa只顧不停煲電話粥,唔得閒理親友。

新車賀年

2013年繼續拍戲拍廣告吸金,搵埋唔少嘅阿 Sa,踏入 2014年即刻換咗部價值四十幾萬嘅平治 A250代步,新年揸新車,爽!

新春熱辣辣

大年初四( 3日),阿 Sa已經出發到外地享受陽光與海灘,仲大曬激罕有「罅」比堅尼相。

祖兒穿煲

年三十晚( 30日)阿 Sa查實孖住 William,仲有霍汶希、祖兒同杜汶澤等一眾英皇同事去咗老闆楊受成屋企食團年飯。雖然阿 Sa同 William冇影合照,但祖兒就分別捉實二人錄賀年短片,仲 po埋上 Instagram,穿煲!

網上圖片

網上圖片

網上圖片



鍾意就快D Share啦!