掃呢頁CODE去手機

2014年2月12日 星期三

[FACE 351] 霆鋒金毛廚神 霆鋒,謝霆鋒,MF,




顧名思義,《十二道鋒味》就係霆鋒周遊列國煮十二道拿手好菜,有得睇又有得食,仲要係由萬人迷霆鋒主持,點抗拒呀?

FBI

霆鋒金毛廚神

香港人又鬧又唔抵得,鬼叫 689唔發牌、鬼叫嗰一千零一個電視台唔爭氣咩。強國電視愈嚟愈好睇、廣告商愈嚟愈捨得畀、啲星愈請愈大粒,咪吸引到愈嚟愈多觀眾睇囉!講緊一年生意額億億聲嘅 CEO霆鋒呀,都俾浙江衞視花 1千萬買起主持飲食節目《十二道鋒味》。

你冇聽錯,煮飯嗰個唔係肥媽、唔係蘇施黃,係霆鋒。而取景地,亦都唔係九龍城、唔係珠三角,人哋係為一道菜走去捷克布拉格等世界知名城市!連嘉賓陣容,霆鋒都碌埋咭搵 Eason、祖兒呢啲巨星老死上陣。今個月中開拍, 7月有得睇,霆鋒今次應該唔會再 chok煎羊架啩?

過完年就會出發到捷克布拉格拍外景,霆鋒最近又染咗金毛新 look,唔通要做金毛廚神?網上圖片

Eason 10年嘅演唱會,碌人情咭拖住霆鋒出場獻唱,輪到霆鋒開聲, Eason點會托手踭?

之前喺湖南衞視高收視節目《快樂大本營》上演一幕 chok煎羊架深入民心,今次霆鋒嘅至 chok廚藝唔知會用落乜食材度呢?網上圖片



鍾意就快D Share啦!