掃呢頁CODE去手機

2014年2月19日 星期三

[FACE 352] 梁詠琪走狗 梁詠琪,MF,




工作人員一拖 Luna出場, Luna即搶繩要走。可能只係台下有另一樣嘢吸引 Luna,搞到 Gigi都控制唔到愛犬!

FBI

梁詠琪走狗

九把刀憑《那些年,我們一起追的女孩》喺香港響朵,事隔 2年幾,先等到佢有新作品《十二夜》,今次仲係開正 FBI嗰瓣,講愛護動物, FBI同好多港人一樣等緊套戲 4月 3日上畫。

《十二夜》係由九把刀監製、 Raye導演,講述流浪狗被撲殺嘅紀錄片。當狗狗被送到收容所,如果喺收容所過了 12晚仍冇人領養,狗狗就要被人道毀滅,而且喺收容所亦會遭受職員虐待,流浪狗嘅命運相當可憐。為咗令觀眾真正了解及關心流浪狗悲慘經歷,九把刀同 Raye親身去收容所實地紀錄流浪狗 12日嘅「血淚過程」,希望大家都可以做到「領養,不棄養」。

上星期九把刀就聯同 Raye嚟香港宣傳,合辦活動嘅保護遺棄動物會仲請到梁詠琪( Gigi)做嘉賓,兼請埋 Gigi收養咗 2年嘅流浪狗 Luna現身,點知 Luna一見主人即走,唔通 Gigi成日要出 trip,搞到 Luna唔認得主人?

九把刀今次負責監製,而導演就交畀 Raye(右),聽講唔少人睇完套戲都好感動,決定以後只領養不買狗。

九把刀小時怕狗,直至小學時養咗隻松鼠狗 Puma,從此令佢喜歡狗。網上圖片

曾經養過多隻金毛尋回犬嘅梁詠琪,其實都有放棄過狗狗,將狗狗轉贈親友。

呢部電影去年 11月已經喺台灣上映咗,頭 2星期全台票房紀錄超過 3,600萬台幣(約 900萬港幣),成績唔錯,而九把刀已經講明會將票房收入全數捐出幫流浪貓狗。為流浪動物又出錢又出力,香港導演又有幾多個做得到?



鍾意就快D Share啦!