星星報告
迷上千頌伊的唇
一眾港星細數完《星星》至愛場面，輪到女神千頌伊（全智賢）的自然彩妝出場。其實劇中，全智賢唔會好似港女同台妹般用上勁假眼睫毛扮大眼，反而著重突出佢一對性感嘴唇，因此千頌伊用過的唇膏及唇彩近期成為靚唇指標。
本刊記者專程於首爾搜刮「頌伊女神」於劇中用過的 YSL及韓牌 IOPE的唇膏及唇彩，因為《星星》效應影響，大把港女及韓妹爭住買，當中首爾以 IOPE的 44型號唇膏最受歡迎，一早賣斷市；而香港方面就以 YSL的唇彩最誇張，其中 202及 105型號亦斷貨。
大斷貨
記者親身到首爾明洞採訪，走訪了 3間當地的 Aritaum（韓版莎莎）化妝品專門店，所有 44號唇膏均賣斷市，最快也要下個月才有新一批貨供應。留意化妝櫃位也貼上全智賢塗上 IOPE唇膏的劇照，想唔賣斷都唔得啦。
韓國配額制
全智賢於《星星》內，最常用就是珊瑚色及粉紅色系唇膏及唇彩，若要出席隆重場合，全智賢便會塗上高貴的鮮紅色。記者到明洞嘅韓版莎莎 Aritawn採訪，發現這支 18號的鮮紅唇膏仍有貨，不過售貨員提醒：「由於《星星》大受歡迎，唔少女士跟買千頌伊使用的 IOPE唇膏，所以公司下令我們每間分店只能有每款 6支，所以想買要快。」
香港：要全智賢嗰隻
至於香港，最搶手係全智賢所用的 YSL 202型號唇彩，據 YSL化妝櫃位售貨員表示，由 1月中開始已大把香港及國內女士搶購，搞到斷曬貨，候補都要一個月後先攞到貨。雖然全智賢並無幫 YSL出任代言，但 YSL香港事務所公關 Wendy亦承認：「《來自星星的你》絕對幫我哋嘅銷售率增長好多，好多全智賢用過嘅唇彩同唇膏都斷曬貨，就算顧客加入 waiting list都要等起碼一個月，所以好多客就算係類似嘅顏色都買咗先。」頌伊女神效應，真係誇張！
全智賢化妝師：用粉紅或紅色的 lip locker
全智賢做得女神，單靠一隻誘惑紅唇未必夠吸引，仲要配合其他化妝配合先至完美。本刊搵到曾幫全智賢任化妝師的 Sunny Youn教化千頌伊的女神妝貼士。
Sunny說：「首先眉方面，不宜用眉筆或眉粉，只要用透明眉 gel將眉毛梳齊便可。眼影方面，用 peach色的眼影便很自然。眼睫毛，一向都不貼誇張的眼睫毛，只在眼睫毛中間的空隙貼上一束束的睫毛。眼線一定不可像一般韓妹拉長眼線，只畫內眼線。塗胭脂時，應用自然的粉紅色。最後，用粉紅或紅色的 lip locker。」
千頌伊件件名牌 星級造型師 Ricky Kwok：名牌唔會贊助港劇
劇中千頌伊幾乎每套衫都係名牌，而且由身高 173cm的全智賢演繹簡直無得彈。
身在米蘭欣賞各大名牌秋冬時裝騷的星級造型師 Ricky也有留意《星》劇，他大讚全智賢於劇中有 8成造型無得彈，更話港劇女主角的衣著打扮根本無得比，「各大名牌根本唔會贊助香港電視劇。我唔可以話演員質素問題啦，出來的感覺唔會有時代感囉。」
Good 大熱桃紅
上電視最緊要顏色搶眼，呢個已經中 point。呢個顏色呢兩季都好流行，不論冬天或夏天都見到。
有霸氣
有一種好攝人的霸氣，好壓場，好有型，真正將明星的風範演繹出來。
啱性格
Trench coat來來去去都係黑灰藍白顏色，今季呢個牌子用上湖水綠呀、粉紅呢啲好 Baby咁嘅顏色，帶出好柔情嘅感覺，將 Trench Coat好硬朗嘅設計配合柔情顏色，好配合佢喺劇入面嘅性格。
靚睡衣
一眼望落條裙有啲似睡衣，好似佢喺屋企嘅感覺。睡衣有時可以著得好新潮，睇得出佢有悉心打扮過。
Bad 太𡃁妹
唔係咁襯佢，如果佢唔係紮呢個𡃁妹頭會更加好睇。
|
鍾意就快D Share啦！
|
|
|
