網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2014年3月7日 星期五

[忽然1周 971] 繼母霸公屋 擸 40萬 黃日華:呢個女人破壞我家庭 黃日華,MW,




黃日華近日新聞纏身,對於忽然遭「繼母」控訴不孝,周三( 5日)黃日華終於發火:「等個天收佢!」

滾熱辣

繼母霸公屋 擸 40萬 黃日華:呢個女人破壞我家庭

家家有本難唸的經。黃日華太太梁潔華早前患上急性壞血病入浸會醫院留醫,怎料太太剛出院不久,黃日華又被指不孝。

黃日華 84歲老父黃桂,經歷過腸塞及肺炎等折磨,上月底因發高燒而急送伊利沙伯醫院。連日來,黃父第二任妻子劉煥珍向多間傳媒大控訴,指黃日華多年來冇俾錢照顧老父,又責怪黃為了公屋轉名問題而與老父恩斷義絕。

據知黃日華與老父結怨多年,全因繼母劉煥珍 14年前介入,影響其父母感情,釀成家變。一直啞忍繼母胡作非為的黃日華,周三( 5日)終於爆煲,向本刊記者狂數她霸公屋、擸 40萬等多宗罪,他火爆說:「呢個女人破壞我哋家庭幸福,等個天收」

其他影片
  • 繼母狂出招 黃日華終還擊:等天收

黃日華提到繼母劉煥珍所作所為,雖然表情多多,情緒仍然冷靜。

今年 50歲的劉煥珍,連日來化身黃桂的代言人,頻頻相約不同傳媒,力數黃日華多年來冇盡孝義,一毫子都冇俾老父,搞到他們兩老要攞綜援為生。她又強調自己視錢財如糞土,絕非貪圖黃日華身家。她辯稱當年黃桂以 30萬買下的公屋單位,後來加上自己名,亦只是還黃桂一個心願。她認為即使公屋轉名,黃日華亦冇理由與父親不相往還多年。

病父臥牀

2月 28日,記者到過伊利沙伯醫院探望黃桂,雖然他因為長期臥牀而導致雙腳潰爛,但精神不俗,更向記者說:「想見個仔!」

繼母現身

當日傍晚,黃桂被安排轉送香港佛教醫院治療,當黃桂被送返病房後,繼母劉煥珍才施施然出現。

等候病牀

黃桂等候病牀期間,劉煥珍一直站在牀邊照料。

一反常態

大約晚上七時多,劉煥珍離開醫院。記者趁機會上前傾偈,點知她一反常態,不時左閃右避,又戴上口罩遮面。

反對老父再婚

至今未有反駁劉煥珍的黃日華,日前只暗示有人攪屎棍,他說:「種唔好因,有唔好果。總之我對得住良心,人在做天在看。」不過一直壓抑怒火的他,周三( 5日)終於爆發。他說:「其實爸爸咁大年紀,唔想講佢咁多不是。不過有好多嘢黑就黑,白就白。咁多年嚟我都忍夠嗰個女人。」

據知內地出生的劉煥珍,在內地已育有一子兩女。大約 1998年,劉來港原本負責照顧黃日華阿姨,後來輾轉搭上了黃日華父親。黃日華說:「佢照顧我阿姨先識到我阿爸嘅!你(劉煥珍)咪安安份份做一個人囉!點解搞咁多嘢啫!」直至 2005年,黃桂堅持與劉煥珍結婚,黃日華沒好氣說:「我哋成家人叫佢考慮清楚,七十幾歲人結咩婚呀!佢係咩底細又唔知。我兩個家姐極力反對,但佢(黃桂)咁大個人咪自己揸主意囉!」

註冊後現形

不過結婚後不久,劉煥珍立即現形。黃續說:「註冊三日後,佢(劉煥珍)就要即刻取消我老竇同家姐嘅聯名戶口,取消埋我家姐公屋個名。我諗住呢間屋留番俾我家姐啲仔仔女女有個安樂居所。既然佢(黃桂)結咗婚,俾佢太太咪俾佢太太囉!我冇所謂喎!」

當年黃日華花 30萬買的東頭邨公屋單位遭人霸佔都算,最無奈劉煥珍連黃日華母親生前儲落的積蓄也蠶食埋。黃日華肉緊說:「我阿媽過咗身之後,剩番 30幾萬,叫我家姐管住啲錢。但佢哋結咗婚之後好快冇曬,話買股票冇咗 18萬。我老竇係守財奴,連六合彩都唔買。我幾兄弟姊妹每個月夾二千蚊俾番佢。後尾佢話攞綜緩,驚俾人告,就叫我哋唔使俾。」

黃日華自爆早年曾在鄉下買屋俾父親,但後來亦是化為烏有。「真係忍無可忍。我廿幾年前,拎咗十皮嘢(十萬)俾咗老竇返鄉下起屋,佢(劉煥珍)一路問我家姐攞番張屋契,將我祖屋都賣埋。佢好精,唔會問我哋攞,搵我老竇出聲。所以佢大大聲聲話冇問我攞過一毫子,梗係唔係佢問吖嘛!依家斷咗糧,咪搞啲嘢抹黑我哋囉!」

黃芷晴:

有人阻我見爺爺

劉煥珍聲稱黃日華一家人對黃桂病情不聞不問,但周一( 3日),黃芷晴出席天梭表活動時卻道出另一版本,她說:「有人阻我見爺爺,我想快啲平息呢件事,我對爺爺問心無愧。」

力證媽咪健康

除了繼嫲劉煥珍生事外,母親梁潔華的身體亦令黃芷晴十分擔心,她說:「媽媽依家喺屋企休息,佢都好忙,成日打電話返公司跟同事聯絡。」

拒絕見老父

黃日華母親陳來娣 00年因病魂歸天國,當時喪禮上,兩父子表現哀傷。

《蘋果日報》圖片

上周五( 2月 28日),記者到過伊利沙伯醫院探望黃日華父親黃桂。黃桂勉強嚥下清淡的飯菜後,慢慢向記者哀鳴:「我……好想……見個仔。」因為一個女人,搞到兩父子結怨足足 14年,雖然黃桂話想見個仔,但黃日華卻說:「我外甥女去探佢,佢望都唔望我個外甥女,已經俾人荼毒曬!你估佢今次真係想我見佢咩!唔好話我老竇做錯曬,呢個係上天嘅安排。呢個女人已經破壞我哋家庭幸福,等個天收囉!」

父子情仇

父子邊有隔夜仇,但娛圈就頻頻發生父子反目事件,他們之間的仇恨更難以化解。

黃貫中

性格火爆的黃貫中,去年底在微博爆家暴兼發表殺父論,震驚娛圈。有報道指 80多歲的黃父因上門強行拖孫落街,遭朱茵反對,黃父一怒之下推跌朱茵。但事後就有傳黃貫中老父經已中風,炒作成分居多,真係清官難審。

張衞健

張衞健 08年自揭與父親關係疏離,他憶述童年時為了不想母親傷心,收埋父親與小三的合照,而父親於他 13歲時就拋棄家庭。張衞健與父親已經沒有再聯絡,即使再見亦冇必要相認,非常決絕。

活地亞倫

荷里活大導演活地亞倫早前被養女 Dylan在報章發表公開信,力數當年被活地亞倫性侵犯。活地亞倫兒子事後就在 twitter開火狂鬧父親唔配攞金像獎終身成就獎。

《美聯社》圖片

《美聯社》圖片

鍾意就快D Share啦!