[忽然1周 972] 陳綺貞 熟女有辦法 陳綺貞,BKD_S,MW,

就係呢個收音器，搞到現場觀眾𠵱嘩鬼叫。陳綺貞舉咁耐，大家就嗌咗咁耐。

媽咪姐

陳綺貞　熟女有辦法

媽咪姐除咗鍾意八，清新嘢其實都啱㗎！好似台灣才女陳綺貞啱啱喺香港開騷，冇玩盡花臣嘅舞台、靚衫同勁歌熱舞，不過就有種濃濃嘅生活觸感，好正。

最特別係熒幕播出陳綺貞拎住收音器到處收集聲音，由火車聲、單車聲、海浪聲到細路仔嘅腳步聲，全部都係都巿人遺忘嘅聲音，直至收音器出現喺觀眾面前，現場 fans們就好有默契咁發出叫囂、歡呼聲，好感動呀！邊個話有事業線先有 market？ 38歲嘅陳綺貞不知幾咁吸引。

陳綺貞當晚五度 PK樂手，大玩烏克麗麗、豎琴、低音結他、鼓及電結他。當然，最好睇梗係同男朋友小虎（鍾成虎）嘅愛的合奏

唱〈別送我回家〉時，後面不斷播陳綺貞嘅童年相，好有 feel。

鍾意就快D Share啦！

下一篇 》