掃呢頁CODE去手機

2014年3月14日 星期五

[忽然1周 972] 新歡斷纜老公閂水喉 黎瑞恩帶仔女避走英國 黎瑞恩,MW,




5/3 電話發火

原本一直在房中向職員查詢詳情的黎瑞恩,忽然怒氣沖沖行埋一邊講電話,其間更向著電話大聲怒吼:「少少錢都唔肯俾?!」

打頭陣

新歡斷纜老公閂水喉 黎瑞恩帶仔女避走英國

現年 40歲的黎瑞恩,被爆與曾智明婚變後,隨即又傳出戀上已婚免稅店隱形富豪鄭應南。縱使夫妻關係名存實亡,但據知曾智明得悉妻子另覓碼頭相當不滿,早前更收回黎其中一張信用卡,實行閂減部分水喉。

丈夫實施經濟封鎖,原本黎瑞恩依舊有新歡鄭應南撐腰,可惜新戀情見光死,新歡連日潛水,令黎瑞恩兩頭唔到岸。

上周三(五日),本刊直擊黎瑞恩到尖沙嘴星光行為仔女辦留學手續,原來是為了提早赴英國避鋒頭。其間黎更向電話中人發火:「少少錢都唔肯俾?!」失婚失財路的黎瑞恩,前路茫茫。











豪門新抱表面風光,入門 11年的億萬新抱黎瑞恩,多年來卻冇豪宅揸手,近年更鮮有與丈夫出席公開場合,即使去年尾她開演唱會,老公亦冇影。有傳二人在一月中,曾在家中發生衝突,曾智明更遭抓傷扯爛衫,自此二人關係已到無可挽救地步。年初一,黎瑞恩更帶一對仔女離開住了多年的九龍塘大宅,到沙田凱悅酒店暫住。

來回踱步

上周三( 5日)下午五時,本刊直擊黎瑞恩到尖沙嘴星光行的學聯海外升學中心辦手續。黎離開時,沒有即時入電梯,只顧在大堂講電話,顯得十分緊張。

逗留兩小時

黎瑞恩當日在留學中心逗留超過兩小時,據知她除了問留學細節外,更詢問職員可否讓她仔女提前在五月到英國,適應當地生活。

陪仔女英國讀書

據知,經常往返廣州的曾智明,兩年前在廣州和一名 22歲陳姓內地女子暗交,自此長居內地,他和黎瑞恩的婚姻早已有名無實。為顧全夫家家族顏面,小恩子表面上一直啞忍,實則早已盤算往後生活。她的閨中密友透露:「其實近呢一年,小恩子老公一個月都未必返嚟一次,佢老公個底係點,小恩子點會唔知!不過以往佢老公玩完識返屋企,但今次佢連對仔女都好少理。其實未爆離婚前,小恩子已經搵定英國學校資料,又去升學中心搵過職員問申請留學嘅嘢,打算等大女下年上中學,就會帶佢哋過英國住,索性重過新生活。」

老公冇影

自兩個月前傳出與老公離婚後,黎瑞恩獨自面對傳媒,相反曾智明仍未見蹤影,亦未就事件現身解畫,十一年夫妻情不再。

新歡冇聯絡

黎瑞恩傳出離婚消息不久,即有傳媒踢爆她原來早與已婚免稅店老闆鄭應南相戀。二人除了不時相約打 golf,有指男方早前更打算和黎瑞恩到馬爾代夫散心,但自從被傳媒踢爆後,鄭應南近日已沒有聯絡黎瑞恩。

仍坐夫家車

黎瑞恩離開留學中心後,到停車場乘七人車離去。記者翻查資料,黎所坐的車是由夫家金利來(廣東)有限公司持有。

急搞手續

直至近日,爆出婚變後,黎瑞恩再遭踢爆另結已婚新歡,更因此和好姊妹車婉婉、曾志偉等人反目。為了離開是非地,本已部署帶一對仔女到英國讀中學的她,突然決定提前赴英。知情人透露:「小恩子最初諗仔女仲細,所以就 plan佢哋過多一年先去英國讀中學,點知依家搞咗咁多是非出嚟,小恩子就決定提前今年要帶佢哋過去讀書。佢老公冇反對,但佢老爺梗係唔想,不過小恩子先係佢哋阿媽,有權咁做。」

12/3 陪仔女睇病

周三中午 12時,黎瑞恩和一對請病假冇返學的仔女,乘夫家七人車到尖沙嘴格蘭中心睇醫生。其間戴上口罩的黎瑞恩表現得憂心忡忡,拒絕回應記者所有問題。

叮囑戴口罩

黎瑞恩落車後,隨即擰轉身提醒兒子戴上口罩,免被記者拍得樣貌,十分謹慎。

老爺插手調停

黎瑞恩和曾智明爆離婚,據知身為前全國人大常委老爺曾憲梓為保家族聲譽,曾插手調停,希望兒子和媳婦回心轉意,惜未能如願。

電話開火

暫住沙田酒店

《蘋果日報》圖片

上周三( 5日),本刊目擊黎瑞恩獨自到位於尖沙嘴的學聯海外升學中心,為一對兒女辦理赴英入學手續。據知黎瑞恩為仔女揀選了一間離倫敦市中心約一個半小時車程的 Brighton College。「呢間學校好出名好多人爭,最遲要一年前著手申請,不過小恩子老公嗰邊背景咁硬淨,就算中途話想入,都唔係冇辦法。」

黎瑞恩在該中心的貴賓房逗留兩個多小時,其間突然行埋一角,大聲與電話中人吵嚷。據目擊者透露,黎傾電話時情緒激動,與電話中人不斷爭執錢銀問題,更爆出一句﹕「少少錢都唔肯俾?!」該目擊者表示:「其實當時間舖有十幾個客,個個都認得佢,但佢冇理其他人,一味喺度鬧,塊面漲到紅曬。」

沒收信用卡

其實,黎瑞恩和曾智明夫妻關係江河日下,其間老爺曾憲梓雖然試過出面力挽狂瀾,並向兒媳作出訓示,但始終未能阻止二人離婚事實。據知,二人去年尾已開始商討協議離婚,並秘密簽下協議書。內容是黎瑞恩每月獲發放 20萬元作為個人使費,而子女的生活及教育費則會另外發放。但協議書其中一項指明,要待老爺曾憲梓他朝百年歸老之時,才會生效。

表面上,黎瑞恩即使與曾智明離婚,但有一對仔女在手,經濟上理應不成問題。可是,反爆出她戀上已婚富豪鄭應南後,夫妻關係進一步惡化。知情人透露:「雖然協議離婚,但法庭一日未頒布離婚生效,黎瑞恩始終都仲係曾家人,忽然傳佢搭上有婦之夫,曾家嗰邊本身又咁傳統,你叫佢老公同老爺仲邊有面?況且 Ricky(曾智明)一早睇唔過眼佢老婆成日狂碌卡,所以早排索性收番佢張卡。」

周三( 12日)中午,黎瑞恩帶一對仔女由沙田凱悅酒店乘夫家的七人車到尖沙嘴。其間面容憔悴的她,對於提早帶仔女留學以及老公閂水喉問題,統統不作回應。

黎瑞恩爆婚變,本刊日前致電昔日寶麗金小花劉小慧、王馨平等人,眾人均出聲力撐好友。另一方面,本刊連日採訪,發現黎瑞恩無論出街或上節目做嘉賓,均著同一條裙和同一件衫,看來婚變打擊令小恩子無心情置裝。

好友齊撐

王馨平在電話中表示,上月曾與小恩子慶祝生日,她透露當晚小恩子心情甚靚,更經常講笑話。

鄭應南避忌

夫家冇彎轉,與新歡戀情亦同樣危危乎。據知黎瑞恩自從被爆婚變後即有第二春,新歡鄭應南為此事一直很避忌。兩星期前,鄭應南公司舉行春茗,當時有很多人八卦他與黎瑞恩之間的戀情,他只皺一皺眉答了一句﹕「無端端俾人爆咗出嚟,搞到好麻煩,成日俾記者跟住,呢排都冇見過佢。」據知,與黎瑞恩撻著一年的鄭應南,本對女友寵愛有加。女方爆出婚變後,更計劃與她到馬爾代夫旅行散心,可惜一切止於此。「鄭應南同老婆雖然分居超過十年,但二人一直 keep住友好關係。佢老婆成日都會上公司處理業務,兩夫妻間中會約個女食飯家庭樂。所以今次佢同小恩子爆戀情後,佢老婆都有詐型,鄭應南呢排咪冇搵小恩子囉!」老公閂水喉,新歡又冇影,難怪小恩子要提早去英國,離開傷心地。

車婉婉變仇家

黎瑞恩傳出婚變和搭上新歡鄭應南後,雖然得好友支持,但同時令她和昔日好姊妹車婉婉反目,黎早前更在微博怒轟對方落井下石。至於介紹鄭應南給黎瑞恩認識的曾志偉,亦有傳因不滿對方搭上人夫而與她冇偈傾。

《時代》評最佳學府

黎瑞恩為仔女揀選的 Brighton College,位於離倫敦市中心不遠的 Sussex郡,已有 170年歷史。成績是同區之冠, 08年更被《時代雜誌》評選為英國最出色的學府之一,其中不少畢業生獲得牛津大學和劍橋大學取錄。

Brighton College設有小學和中學部,屬一條龍學校。報考該學校的留學生,事前需要先進行由該校提供的英文科和數學科考試,成績達標才可入讀。據知黎瑞恩一對仔女早前已考獲資格入讀該校做插班生,而在今年九月正式開學前,二人要先報讀學前預備班作準備。

生活費用

英國生活指數高,黎瑞恩陪子女到英國留學,使費開支子女每人每年約 50萬,若然老公閂水喉,本身冇收入的黎瑞恩,經濟壓力可想而知。

子女學費連住宿: 2[!81BE] 38萬=76萬

租屋(黎瑞恩): 48萬

車(連稅和保險): 20萬

生活費:三人約共 30萬

合共:每年約 174萬

分身家有難度

與丈夫曾智明鬧婚變的黎瑞恩,有傳會得到仔女的撫養權,但由於曾憲梓打算將個人資產以基金形式運作,黎瑞恩要分丈夫 36億元金利來王國資產,難度相當高。律師謝偉俊對此說:「若果呢啲錢係以家族基金嚟管理,而曾智明喺金利來係受薪打工仔,喺法律上,呢啲資產係唔屬於佢個人資產。打起官司上嚟,資產屬於基金擁有。」換句話說,即使黎瑞恩攞到仔女撫養權,但應該好難分到曾智明身家。

告別豪門

02年嫁入曾家的黎瑞恩,先後為夫家誕下大女曾凱栭和細仔曾浩儒。婚後黎瑞恩淡出娛圈,專心做豪門幸福少奶奶,但日前傳出她和丈夫婚變,繼而爆出戀上已婚富商鄭應南,情路崎嶇。

2002年

嫁入豪門

黎瑞恩退出娛樂圈,嫁給有 30多億家族資產的金利來主席曾憲梓三兒子曾智明,成為豪門少奶奶。

2003年-10年

幸福家庭

先後誕下長女曾凱栭及幼子曾浩儒,多次被傳媒拍得一家四口外遊家庭樂。

2013年

婚姻現紅燈

有傳長駐內地工作的曾智明結交了一名 22歲廣州女性密友,甚少回家,自此黎、曾感情出現裂痕。一家四口幸福場面買少見少。

今年

搭上已婚新歡

傳出婚變後不久,黎瑞恩被指戀上已婚富商密友鄭應南,但爆出二人緋聞後,鄭冇再聯絡黎瑞恩,小恩子戀情再度觸礁。



鍾意就快D Share啦!