全城熱爆的娛樂八封新聞 & 時事趣聞 & 生活 + 趣聞
「熟女」喺 model界嘅名聲同人緣真係愈聽愈得人驚！啱啱啫，又有圈內人同媽咪姐講，「熟女」近年最鍾意做嘅工餘活動係……𢱑飛囉！無論大小演唱會，佢都非常熱衷打去相關主辦單位，問人攞免費飛，結果佢嘅貪小便宜事蹟喺全行通曬天。架，真係自己丟㗎！
不過咁，對「熟女」嚟講，呢啲查實係「小兒科」！有模界 friend同媽咪姐講，話「熟女」以前仲有 show出嘅時候，試過唔抵得人哋紅過自己，黑心到收埋同場 model對鞋。最後俾人發現係「熟女」所為，當場𤓓爆，但仲要扮無嘢喎！面皮同佢本緋聞 file真係一樣厚囉。
•未嫁㗎。 •鍾意玩囉。
