掃呢頁CODE去手機

2014年3月6日 星期四

[壹週刊 1252] 帶子搬返香港 張慧儀深水埗開檔 張慧儀,M1,




本週一(三月三日)照顧養子,拼命搵錢的張慧儀返深水埗巡鋪,她主力打理賣馬來西亞家鄉食品的檔口。湊埋嚟嘅九歲養子 Hanson則跟店員吹水打發時間。

探熱針

帶子搬返香港 張慧儀深水埗開檔

過去七年帶住患有先天性心臟病的養子,在內地打拼的張慧儀,去年拍罷無綫新劇《女人俱樂部》後決定帶同養子回港定居,並在深水埗開百貨店,為替長期要醫護的囝囝儲醫藥費,張慧儀親自湊客,走平價街坊路線,賺得一蚊得一蚊。

售價平一兩成

有深水埗街坊指,去年復出拍劇的張慧儀不時在區內一間小型百貨店內打點,向客人推介其家鄉馬來西亞怡保的特產小食。

本週一(三月三日)下午,本刊記者到上址了解,見到戴住眼鏡的張慧儀,在店內跟夥記傾談,已經九歲的養子 Hanson也在場。

張慧儀的小型百貨店《激安の殿堂》,位處深水埗黃金商場旁,鋪面約有千呎,食品日用品家電樣樣有售。如「阿信屋」一樣,大部分食品來自日本,部分餅乾,咖啡售價比一般超市平一至兩成,吸引不少顧客掃貨。

張慧儀出售的家鄉食品「貓山王榴蓮餅」及「蜜糖香餅」等,當日只做試食未定價,她放下藝人身段,一副 OL打扮,落力叫客人試食。

大客吳孟達

現場所見,張慧儀大部分時間留守擺設「貓山王榴蓮餅」、「椰王香餅」等怡保小食,又夾雜了賣藥油的貨架附近;見記者走埋去,她第一時間攞起藥油力 sell。

「呢隻油好好,吳孟達都買咗成千支送俾啲朋友用;隻油去瘀去水腫都得,入面有埋真實個案俾大家了解嚇……。」

落足嘴頭,再嚟親自示範。

「嗱,你喺腳踭位捽十五分鐘,好快見效。因為隻產品係香港造,又好用,我先攞番嚟賣!」其間,店內顧客不時好奇眼望望,但張慧儀毫不尷尬,集中火力 sell足五分鐘。

落力 sell

記者以顧客身份埋身,張慧儀即攞住支「淮安藥油」落力地 sell:「呢隻油去腳腫,瘀傷好好㗎!吳孟達入咗成千支送俾人。」 sell得投入,仲做埋示範教客人點捽油。

兒子學費八千

原本在廣西經營禮品生意的張慧儀,去年拍罷曾志偉做監製的無綫新劇《女人俱樂部》後,決定搬返香港。

「佢想個仔喺香港讀書,三個月前由廣西搬咗返嚟住。個仔依家喺北角讀嘅國際小學,每個月要八千蚊學費,加埋醫藥費, part time工人同埋三萬蚊屋租,好大開支,所以佢好搏命。」知情者爆。

記者道明來意,張慧儀承認因為兒子學業,才決定回流返港。至於選址深水埗區開店,她聲稱是由拍檔決定,店鋪開業只有數月,今個月底會在佐敦開分店。

經營小型百貨做街坊生意,張慧儀說萬事起頭難。

「好似呢啲價錢牌,推介單張,全部係我哋一手一腳整,我一有時間亦會盡量返嚟睇鋪。」

跟住又職業病發,連記者都唔放過,「呢隻餅冇落香精㗎,係用真材實材嘅榴蓮做餡……」

昔日她不吝嗇身材,在不少電影以噴血三點式上陣。跟今日當上母親及從商的密實,判若兩人。

早前在曾志偉力邀下,張慧儀跟一班久違電視的李若彤、葉蘊儀及李麗珍等合演新劇《女人俱樂部》。

四十二歲的張慧儀,在《女人》新劇同陸永大玩姊弟戀,但現實中,她為養家寧願感情 dry爆。

到處打拼

06年張慧儀在北京收養當時只有兩歲的 Hanson,擔起母職的她便拼命工作。在北京一邊賣家族果醬,一邊投資印刷廠。兩年後生意不景,她毅然帶住孩子到廣州做推銷,賣保健及護膚品。之後她以個人推銷技巧,成功將港式甜品店「許留山」引入內地十多個城市。直至去年她轉戰廣西做參茸禮品生意「慧•慷鑫」,事業終於站穩了腳。她曾在訪問中說:「不時開完會要抽時間湊仔放學,喺屋企餵佢食完飯再返去開會,有段日子捱得好辛苦,返屋企匿埋喊。」



鍾意就快D Share啦!