掃呢頁CODE去手機

2014年3月13日 星期四

[壹週刊 1253] 鄭中基銅鑼灣分身 鄭中基,M1,




同你吟一吟

鄭中基銅鑼灣分身

一直恨做導演嘅鄭中基終於夢想成真,因為古天樂已經答應接拍由佢自編自導自演作品《張保仔》做男主角,仲話四月尾正式開機。點知鄭大導已經秘密處男下海,早排仲響無論幾多點都人頭湧湧嘅銅鑼灣開壇,拍鄭中基當街當巷搶個肥妹銀包,之後九秒九走嘅場面。

套新戲基本上係陳嘉上同鄭中基聯合執導,但當日 Gordon冇影,鄭中基現場分身,先同幕後手足傾拍攝內容,之後就變番演員埋位。當日天氣唔算凍,但喪跑鄭中基跑到第二個 take已經出曬汗,要梳番個頭索汗補妝再嚟過,最終來回拍咗三次,鄭大導嗌 goodtake收貨。

要開新戲,有份參與嘅另一部作品《整容日記》嚟緊又開始做宣傳,返到屋企要對住兩部電腦開工,連陪寶貝女 Emma嘅時間都少咗嘅鄭中基,開工期間攞住部電話,同現場工作人員曬囡囡嘅沙龍照,幾辛苦,都即刻鬆曬!

搶完銀包再搶手袋嘅鄭中基,響銅鑼灣喪跑,避開後面著間條衫嘅肥妹追截。

身兼演員加導演,埋位前,鄭中基先同工作人員商討拍攝細節,個樣亦變得分外認真。

休息期間,鄭中基向工作人員展示囡囡得意相,當堂露出慈父笑容。

鄭中基話過無時無刻都會掛住囡囡 Emma,又讚太太餘思敏幫得手,尤其係小朋友升學問題,全部由老婆一手搞掂。

一心可二用,鄭中基要睇住兩部電腦,為處男作《張保仔》做好各方面準備。



鍾意就快D Share啦!