掃呢頁CODE去手機

2014年3月13日 星期四

[壹週刊 1253] 何超雲有乜好驚 何超,超雲,何超雲,何超儀,M1,




冇見一排,成功修身嘅何超雲,上個禮拜陪媽咪去 ball,但只限影相,唔做訪問。

同你吟一吟

何超雲有乜好驚

何家三房二小姐超蓮同台灣歌手吳克羣愛得難捨難離,反而大小姐超雲自從同「四失」陳山聰分手後,到而家都未見有固定觀音兵。

上星期一晚(三月三日),瘦身成功索樣返曬嚟嘅超雲,陪媽咪同細佬何猷啟出席東華三院活動,記者想同佢傾兩句,但昔日無所不談嘅超雲,以遲曬到為由急步入場唔做訪問。

見記者似見鬼,上星期六(八日),《壹》仔再撞到佢同朋友去 ifc睇奧斯卡「最佳影片」《被奪走的 12年》,見到有鏡頭,超雲竟然撇低朋友, call司機開車接佢走。

同小聰子拍拖就天不怕地不怕,而家怕乜呢?女仔個心諗乜,真係好難揣測。冇拖拍啫,又唔係殺人放火,超雲家陣狀態咁 fit,大把人想爭住做賭王女婿

睇完戲,超雲原本想同朋友行陣街,但見到有記者,即刻急急腳行去候車區,叫司機車佢走。



鍾意就快D Share啦!