掃呢頁CODE去手機

2014年3月13日 星期四

[壹週刊 1253] 洪金寶街市發威 洪金寶,M1,




同你吟一吟

洪金寶街市發威

九龍城街市明星客多,今次輪到大哥洪金寶,仲有佢位港姐冠軍太座高麗虹。

拍拖買餸,大哥親自鬱手,太太負責看車做司機。買咗冇一陣,大哥已經發現《壹》仔,雖然把口就話唔介意,但就「噸」起個大哥款質咗《壹》仔幾句:「嗱!你影我唔緊要嘅,最慘係你寫我叫雞,街市婆我都照殺!」

大哥做慣導演,影影嚇仲叫停機,行去上車叫老婆車佢去隔籬街嘅新三陽繼續上糧。入完貨,留步同店員吹水,仲撞見單拖嚟買餸嘅發嫂,大哥當堂笑曬。

大哥做慣導演,影影嚇仲叫停機,行去上車叫老婆車佢去隔籬街嘅新三陽繼續上糧。入完貨,留步同店員吹水,仲撞見單拖嚟買餸嘅發嫂,大哥當堂笑曬。

唔一定老夫老妻先鍾意玩煮飯仔,拍咗拖五年嘅黃伊汶同小龍陳國坤一樣喜歡。舊年小龍已經求婚成功,準坤嫂練習做煮飯婆,入街市買餸,海鮮、靚牛、買菜再搭指天椒,打邊爐格。黃伊汶出身富貴,喺街市買到一袋二袋再自己行返上車,做陳太,遲早嘅事。



買完新鮮豬肉,老闆娘要合照,大哥當然冇托手踭。

俾《壹》仔影到買餸,大哥落定閘,話驚俾人寫佢去街市唔係買雞係叫雞。

轉場去新三陽,洪太高麗虹繼續負責看車,大哥落車去入貨兼吹水。

除咗買蝦,黃伊汶又買花蟹又買生蠔,是夜同小龍烚烚嚇。

兩手都係餸,黃伊汶行到個人都側埋,小龍冇厘醒目坐響車冇幫手,俾著其他港女,早就發火。



鍾意就快D Share啦!