掃呢頁CODE去手機

2014年3月13日 星期四

[壹週刊 1253] 徹底決裂 余文樂起周柏豪飛腳 柏豪,余文樂,周柏豪,M1,




上月,餘文樂拉埋「橫州工業」球隊,一連兩日在室外籃球場拍攝飲品廣告。

探熱針

徹底決裂 餘文樂起周柏豪飛腳

去年周柏豪因為食完籃球隊「橫洲工業」隊友細妹即棄,辣㷫餘文樂,兩兄弟從此決裂,餘文樂更號召球隊兄弟,同對方割席。上週餘文樂率隊為運動飲品拍攝新一輯廣告,「橫洲工業」全組上陣,有錢齊齊搵,唯獨周柏豪冇影。失友誼、失財路,周柏豪自己攞嚟!

禁煙區

周柏豪偷食隊友細妹,激嬲餘文樂,今年球隊續約拍飲品廣告,餘文樂索性飛起周柏豪。

由 2007年 11月 1日起,除了室內禁煙外,多個公眾場所亦實施全面禁煙,根據《吸煙(公眾衞生)條例》,部分室外公眾地方已列為法定禁煙區,當中包括康樂文化事務署轄下的公園、遊樂場、運動場等地方,任何人不得在法定禁煙區內攜帶燃點著的香煙、雪茄或煙鬥,違例者將被罰款 1,500元,而拒交罰款者最高罰款 5,000元及監禁一年。

隊長話事

曾經稱兄道弟的餘文樂和周柏豪,三年前組織「橫洲工業」籃球隊,兩兄弟拍住上領軍出賽。一向視球隊為命根的餘文樂,除積極練波備戰,更碌盡人情咭為球隊搵贊助,去年便成功斟掂全隊球員拍攝運動飲品廣告,餘文樂和周柏豪擔正廣告主角。

如今兄弟反面,廣告再續約,餘文樂順理成章飛起周柏豪。

「樂仔好緊張隊波,柏豪搞自己人個妹,仲要食完即棄,梗係反面樂仔係隊長,個個都聽佢話,更何況球隊好多贊助同廣告,都係樂仔親自傾返嚟,而家搞成咁,新一輯廣告飛起柏豪好正常。」知情者透露。

肅清隊員歪風,但早前餘文樂將抱 B揸車坐司機位相片放上網後,隨即被炮轟危險駕駛兼觸犯法例。事後餘文樂認矮仔公開道歉,但話口未完,上週他一連兩日到新蒲崗一個室外籃球場拍廣告,又再違法。

違例煲煙

餘文樂同工作人員一邊傾偈,一邊扯煙。

之後順手將煙頭丟落地下(紅圈)。

助手搵來迷你煙灰缸,給餘文樂丟煙頭。

一錯再錯

拍攝當日,餘文樂不停擺出招牌 chok樣,表演各式走籃、射波動作,又不時在面上噴水,營造汗流浹背效果。

等埋位期間,餘文樂煙癮發作,竟在球場公然煲煙,身旁助手雖然拍一拍他,提醒球場是禁煙區,但他一於少理,之後更將煙頭順手丟落地。

唔想老細錯上加錯,助手馬上遞上煙灰缸,餘文樂才醒目執起煙頭。

根據《吸煙(公眾衞生)條例》,室外球場被列為法定禁煙區,違例者將會被罰款一千五百元;亂丟煙頭或垃圾,定額罰款同為一千五百元。食支煙,無三千,仲要失身份失形象!

冇咗周柏豪助陣,餘文樂全日 solo,表演扭波射籃。

為營造汗流浹背效果,餘文樂不停在面上噴水。

曾稱兄道弟的餘文樂與周柏豪,齊組「橫洲工業」球隊,經常拍住領軍出賽。

曾經同周柏豪傳過緋聞的吳雨霏,之後同餘文樂拍拖,有指兩兄弟試過為爭女而不和。

餘文樂在 Instagram上載抱 B揸車照片,即惹來網民炮轟他危險駕駛。

拍完廣告後,餘文樂相約友人到中環 high tea。

無常識

餘文樂球場吸煙知法犯法,但唔少藝人因缺乏生活常識,犯咗法都唔知!

林海峰對海小便

07年,林海峰與友人出海玩 wakeboard,人有三急在碼頭邊向海小便,根據「公眾潔淨及防止滋擾規例」,任何人在公眾地方小便,最高罰款 25,000元及監禁六個月。

梁榮忠朱慧敏車震

05年,梁榮忠背住正印女友鍾麗淇,與朱慧敏在小西灣「車震」,可被控在公眾地方行為不檢,根據《刑事罪行條例》,在公眾地方做出「猥褻行為」,可被罰款一千元和監禁半年。

呂慧儀電單車抱 B

去年考獲電單車牌的呂慧儀,上載抱 B坐電單車照片,根據《道路交通條例》,可被判停牌及罰款,呂慧儀事後即刪除有關照片。

黃貫中上載選票

12年,立法會進行選舉期間,黃貫中拍下選票照片放上微博,根據立法會選舉章程,任何人不得在投票站拍照、拍片及錄影,違法者可被罰款 5,000元及監禁六個月。



鍾意就快D Share啦!