掃呢頁CODE去手機

2014年3月20日 星期四

[壹週刊 1254] 羅傑承撤資娛樂搞酒店 M1,




羅傑承日前舉行三分鐘記者會,老婆梁芷珊及女兒都有出現撐場,他在發表聲明後亦極速離場。

探熱針

羅傑承撤資娛樂搞酒店

華人置業主席「大劉」劉鑾雄,以及南華足主羅傑承,上週五(三月十四日),被澳門初級法院裁定行賄澳門運輸工務司前司長歐文龍及洗黑錢罪名成立;各判監五年三個月,二人正式上訴後各有動作。大劉辭去華置主席、行政總裁及執行董事三項職務,交由長子、副主席兼非執行董事劉鳴煒全面接任。據了解,本週一(十七日)開記者會發聲明的羅傑承,原來亦有計劃唔玩再沾手娛樂生意,全力進軍澳洲搞酒店。










澳洲建酒店

南華足主羅傑承前日在公司舉行三分鐘記者會,不設發問時間,只讀出早已擬定好的聲明,正式提出上訴及澄清有報導指他在九九年捲入澳門一宗「濫用信任」案件,已於○三年獲判勝訴,現下將會集中精神,處理上訴一事。

判決後,連日來未有露面的羅傑承,表面上沒有任何大舉動,但據了解,他已經部署將生意基地轉移,逐步淡出香港娛樂事業,轉往澳洲、菲律賓等地建酒店,發展地產項目。

Gin Lee去年底出唱片,不過未有如初出道時大鑼大鼓穀宣傳,但老闆娘梁芷珊卻在 facebook力 sell。

Gin Lee李幸倪仍屬 BMA旗下歌手,到年中已約滿的她,未有再續約。

組合 yellow前身是「野仔」,不過少爺占同 DJ Pong離隊後,改名野佬( yellow)再玩,成員都有正職,唱歌屬業餘性質。

老婆冇興趣

「羅生一直都鍾意做娛樂,曹格約滿離開 BMA後,佢都繼續落重本做 Gin Lee,不過使咗幾百萬做宣傳出唱片,到今日都係無聲無氣, Gin年中約滿,公司咁嘅環境,佢應該都係自然流失唔會再續約。至於組合 Yellow只係業餘性質, BMA只係幫佢哋發行唱片唔係 management,所以公司基本上冇曬 artist。

「本來羅生都有諗過再簽人俾老婆搞,不過羅太冇興趣,只係對南華(足球隊)有感情,之後好有可能只係搞球隊唔做娛樂,雖然佢哋話一切照舊,不過 BMA都係名存實亡。」知情者說。經歷過大起大落,這年多來雖然一直官司纏身,但見慣風浪的羅傑承依然搵到商機,並已有計劃在澳洲建大型住宅屋苑。

「喺香港做娛樂圈冇錢賺,羅生呢幾年其實都開始有其他投資,之前去過澳洲同菲律賓,打算喺嗰邊起酒店,仲會搵啲新區搞大型屋苑,佢留香港嘅時間亦會愈來愈少。」知情者說。

梁芷珊間唔中將往外遊的相片放上 facebook。

羅傑承被澳門法院判罪後,慣於在 facebook發表心聲的梁芷珊,連寫兩段文,指生活一切如常,多謝大家關心。

羅傑承做足主的南華球隊,一○年安排一班球員包括陳肇麒(中間白衫)在遊艇舉行發布會。

曹格跟周麗淇都曾經是 BMA旗下藝人,當日曹格打交出事,羅傑承要求他戒酒向公眾道歉。

投資卡拉 OK Red Mr,羅傑承跟一班歌手在開張當日齊飲香檳慶祝。

大起大落

永高年代,羅傑承有份投資的電影《富貴人家》。

54歲的羅傑承於澳門出生,九十年代開始轉戰香港,投資港澳地產、飲食、娛樂及體育事業。 90年代初退出與黃百鳴合組的永高電影公司,其後公司清盤。 92年至 94年曾任南華體育會足球部主任,並於 06年再度出任至今,帶領球隊由降班搖身一變成「三冠王」,又投資南華及天水圍飛馬足球隊,令他在本港足球壇成為一時佳話。

99年,羅傑承於澳門被控偽造文件及欺詐舊公司一百萬元,被判濫用信用罪名成立,當時判囚三個月,但據他日前澄清,這宗官司最終上訴得直。

惹官非也惹禍的他, 95年離開尖沙咀一間夜總會時,被數名兇徒隨街追斬,身中三刀,雖沒生命危險,但右手四條手筋被斬斷。

大難不死,近幾年生意愈做愈多,旗下博美設有藝人管理公司、電影公司及出版社,他又大鑼大鼓開設卡拉 OK連鎖店 Red MR,做埋馬主生活風光,直至牽涉今次澳門歐文龍貪汙案。

入局有阻力

名下擁有兩隻一班馬,去年贏到開巷,成為贏得最多獎金馬主的羅傑承,更早已申請做馬會董事。

「呢幾年羅生喺馬場好活躍,亦一早申請咗入馬會做董事,後來突然爆咗單嘢(官司),其他董事即刻 hold住,要等佢搞掂曬知道結果,先會再決定俾唔俾佢入局。馬會嘅人好要面,今次單嘢搞到咁大,佢哋都話要審慎啲處理。」知情者說。

相比照舊出入褔臨門食飯任影的大劉,再上訴的羅傑承明顯低調,當日跟老婆梁芷珊出席完三分鐘記者會後,第一時間離開,又刻意安排名下的七人車不斷出入,避過在門口守候的傳媒。

上月,羅傑承為傷健協會籌款搞的慈善演唱會在灣仔會展舉行,他親自歡迎代大劉出席的呂麗君。

身為保良局總理的梁芷珊,去年搞慈善 ball,她配合大會主題扮公主出現。

大劉跟甘比在判決後,照常出現福臨門,不過未有接受訪問。

BMA開拍的電影《我要成名》,當日屬旗下藝人的鄭伊健,亦有份客串。

羅傑承(箭嘴)名下的愛駒之一「軍事出擊」,去年贏了不少一級賽事。

前度陳加玲週二突發聲明

陳加玲於 91年拍攝羅傑承有份投資的電影《黃飛鴻笑傳》而傳出緋聞, 94年羅離婚,並公開二人戀情。 98年二人分手,羅傑承於 02年跟梁芷珊結婚並育有一女。不過陳加玲表示二人之間仍有錢銀轇轕,更多次發聲明暗示曾遭男友欺騙,羅傑承則拒絕回應。



鍾意就快D Share啦!