網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2014年3月20日 星期四

[壹週刊 1254] 做開荒牛 食大茶飯 莊思敏碼實十二億徐崢 莊思敏,M1,




探熱針

做開荒牛 食大茶飯 莊思敏碼實十二億徐崢

出身自家族資產過十億計的拿督女,即使屋企大把,莊思敏都不願做大食懶,拍電影做電台開時裝店,去年更做埋老闆搞化妝學校及經理人公司,瓣數多多。據了解,近日有世叔伯主動打本給莊思敏開戲,揸住幾億資金的她,早前相約在內地憑電影《人再囧途之泰囧》,破十二億票房的導演兼演員徐崢密斟,齊齊食大茶飯。










排隊攞枱

八點晚飯黃金時間,約好徐崢在中環 ifc泰國餐廳 Greyhound見面的莊思敏,預先到餐廳攞定枱,等了大概十分鐘左右,便見頭戴灰色帽, casual打扮的徐崢跟助手出現。

莊思敏點菜後,即和在內地娛圈被尊稱徐老師的徐崢雞啄唔斷,食足兩粒鐘,二人全程有講有笑,飯後徐崢埋單,甚有風度。

據了解,二人是經朋友介紹認識,徐崢每次來港,也會約食飯,一直保持聯絡。今年初,莊思敏獲世叔伯揼水開戲,第一時間便想到要和徐崢合作。

徐崢食飯時不斷講笑,氹得莊思敏好開心。

《泰囧》在內地接近十三億票房,成最高票房電影。

莊思敏跟吳浩康五年情玩完後,有傳跟導演葉念琛撻著,二人更被拍到在赤柱撐枱腳。

徐崢近日跟莫文蔚合作電影《催眠大師》,不過只做演員,未有執導。

先做義工

「 Jacquelin(莊思敏)覺得要投資合拍片嘅話,演員好重要,雖然大卡士片酬貴,加埋製作開到一部戲點都過億,但佢做開荒牛,用有票房保證嘅演員比較穩陣。今次佢哋傾合作都係好初步,大家都偏向搞喜劇題材,不過徐崢而家同莫文蔚拍緊《催眠大師》,其他細節,要慢一步再傾。

「 Jacquelin都諗過唔會淨係拍大片,仲會搵啲相熟導演搞本土製作,好似葉念琛、錢國偉同伍建雄,低成本刀仔鋸大樹。佢近排成日約人傾嘢,好似好多嘢做,但都係做緊義工,因為一日未正式埋班,佢都唔會動用啲資金,話要同啲 uncle交代。」莊思敏身邊人透露。

對於掌控幾億資金開製作公司,莊思敏說:「我係有好多 project喺手,不過都係計劃階段,未講得。同徐崢食飯都冇乜特別,我哋之前已經識咗,佢嚟香港都會約我見嚇面。」

模特兒出身的莊思敏,在電影《溝女不離三兄弟》中,跟陳奐仁有床上戲,她亦不介意著喱士內衣褲出鏡。

老豆是馬來西亞拿督,在山頂有獨立屋,不過莊思敏跟兩個妹妹未有入住,反租住娛樂圈人喜歡的風水屋苑貝沙灣。

搵錢瓣數多,莊思敏拍住孖生胞妹莊思明(中)及莊思華(左)開時裝店,三人不時做生招牌著住晚裝出席活動。

做生意拍電影外,她也在 dbc電台跟梁思浩等人一齊開咪主持節目《大家真風騷》。

去年跟朋友夾份投資化妝學校,近日發現有人「穿櫃桶」,她即報警解決。

踩多瓣

藝人有番咁上下年資,便會踩多瓣沾手幕後,甚至搵到金主投資合作,做埋老闆,騎幾瓣,亦非男性專利。

葉璿

99年入行, 10年憑電影《意外》獲金像獎最佳女配角的葉璿, 05年主攻內地發展後,近幾年開始以製作人身份開拍電視劇,其中她做女主角的《紫釵奇緣》,更以過千萬搵林峯做男主角。

吳君如

在娛樂圈人脈廣的吳君如,今年首次以監製身份拍賀歲片《金雞 SSS》,碌曬卡搵張家輝、古天樂等做串星,處女下海,已成為今年賀歲票房冠軍,夠曬威。



鍾意就快D Share啦!