網頁

請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2014年3月27日 星期四

[壹週刊 1255] 孭夫債 失婚 獨子搬走  52歲陳秀雯坎坷復出 陳秀雯,M1,




除下口罩,陳秀雯面部浮腫,難怪復出前,要積極減肥。

娛頭

孭夫債 失婚 獨子搬走  52歲陳秀雯坎坷復出

陳加玲最近發聲明,重提廿年前曾被有婦之夫欺騙,更以「人皮獅子」形容對方,情路坎坷。原來,兩年前離婚的陳秀雯,比胞妹更傷。

94年憑《再見亦是老婆》將事業推上高峰, 96年離無綫改簽亞視,產量激減!過去十年,更加隔四、五年才復出拍劇一次。陳秀雯生活低調,與老公林國雄失蹤欠債,陳秀雯孭住過千萬欠債,花盡所有積蓄不無關係;不停被債主上門追數,家人與兒子生活亦受到騷擾,兩年前終於下定決心,簽字離婚。

重新開始,為節省支出,陳秀雯由太子道搬到大埔村屋,並密謀復出拍劇。日前本刊發現她揸車外出購物, 52歲的她面容浮浮腫腫,為廿八年婚姻,消耗得一乾二淨。

打扮樸素外出,連手袋也是平民貨。

購物期間,陳秀雯不斷向相信是新聘請回來的外傭,講解附近環境。

重新上市

一○年接拍亞視《法網群英》後,現年五十二歲的陳秀雯便沒有再拍劇,但據了解,她已正式與歐陽震華的經理人簽了合約,重新掛牌。

對於復出頭炮,陳秀雯非常緊張,早於大半年前,已開始積極減肥,並成功減走十多磅。

「因為屋企太多問題,過去呢十年, Amy(陳秀雯)好偶然先接一個劇,唔出嚟見人嘅時間佢根本無心情打扮,有時情緒唔好就狂食嘢,搞到個人都肥曬,更加無信心!原本佢都無諗過復出,但大半年前喺個朋友聚會見到 Bobby(歐陽震華),大家都好鼓勵佢返出嚟做嘢, Amy亦發覺自己對做戲仲好有興趣,考慮咗一段時間,就決定復出。

「經理人依家幫佢同無綫傾緊一個劇,希望再撞到個好似以前『秀巧』(《再見艷陽天》角色)咁好嘅角色。除咗無綫,內地製作都有接觸,雖然仲傾緊,但 Amy已經好積極減肥,又去做 facial!」陳秀雯友人說。

離婚後,林國雄人間蒸發,與兒子亦再無聯繫。

○八年,林國雄陳秀雯被追債,被人在亞視及太子寓所外張貼大字報。

陳秀雯現居的大埔村屋,租金只需九千元。

當年與 Bobby合拍《壹號皇庭》而熟絡,他更鼓勵陳秀雯復出。

有事走先

陳秀雯代夫傾盡家財還債,更因此與細妹加玲反目,直至離婚後,姊妹才冰釋前嫌。

八四年與林國雄結婚後,有指男方經常以修法禮佛藉口,不事生產,養家重責,一直由陳秀雯負責,百分百付出的她,更孭住林國雄在外欠下的巨額街數,耗盡積蓄,連家人亦牽涉其中。

「咁多年嚟,林國雄喺外國欠咗人唔少錢,一陣又話做生意蝕咗,一陣話自己俾人呃,每次出事就人間蒸發,但 Amy心軟,每次都俾佢氹番,就算孭到成身債,佢都仲係相信唔係自己老公問題!」知情者說。

要老豆陪

孭住陳秀雯老公名義,林國雄欠下一街數!不停被追債,試過被貼大字報,甚至有債主搵上門。為避債,陳秀雯不停搬屋。

「因為有債主追上門收數, Amy日日提心吊膽,試過壓力爆煲要睇心理專家,佢老豆怕 Amy有事,本來已經返咗內地生活,都專登返嚟睇住佢,嗰段日子 Amy過得好辛苦!」

兒子林上智搬走過獨立生活,獨居的陳秀雯非常深閨,極少外出約友人飯聚。

三月廿四日,陳秀雯到寓所附近的花店買花,買完便揸車返家。

一家三口各奔東西,此情難再。

做經紀

要擔家,偶然才拍劇的陳秀雯試過做地產經紀。

「 Amy一直都係靠自己積蓄頂住,最慘係林國雄唔單只吸乾個老婆,仲連外家都搞到,○八年 Amy就因為老公同細妹加玲嘅錢銀軱轕,兩姊妹嗌咗場大交無再聯絡,嗰段時間 Amy為咗生活,出嚟做地產經紀。」對婚姻義無反顧,但陳秀雯最終因為兒子,一一年底與林國雄正式簽字離婚。

「 Amy對感情係完全盲目,亦因為個仔,一直堅持要有個完整家庭,但最後,亦因為個仔而死心!因為成日俾人追債,已經影響到個仔,嗰段時間佢個仔好唔開心,讀大學已經搬去宿舍住,兩母子見面,個仔都無嘢講,變得好自閉。」知情者說。

結束廿八年有出無入的婚姻,最大收穫,是兩姊妹能夠冰釋前嫌。

「 Amy太愛林國雄,有時會好偏激,加玲嘅說話佢全部聽唔入耳。離婚之後兩姊妹再無隔膜,關係已經好番!」陳秀雯友人說。

戴罩遮樣

為老公賠上所有積蓄,陳秀雯過去多年來生活簡樸,年前更由市區搬到大埔七百呎村屋居住。

「 Amy要求好簡單,對自己又唔講究,個仔已經大學畢業,搵到嘢做搬咗出去住,佢一個人住遠啲,租亦平一大截!」知情者說。

未正式開工,陳秀雯深居簡出,就算偶然出動購物,亦快買快走。

上週六(三月二十二日)傍晚,陳秀雯與外傭駕車外出,到雜貨鋪買家品,怕被人認出,停車後先戴上口罩才落車,保持低調。

今個農曆年,陳秀雯與歐陽震華、宣萱吃飯敍舊。

陳秀雯、陳加玲先後息影,一個將復出拍劇,一個計劃投資拍電影,同娛樂圈始終分不開。

陳秀雯孭飛的亞視作品《再見艷陽天》,收視一度威脅無綫。

在《再見亦是老婆》劇中,被狐狸精恰上面,現實中,陳秀雯同樣是賢妻良母,卻未能破鏡重圓。

有證據

陳秀雯重新起步,同樣自稱被感情蒙蔽而被騙的陳加玲,早前發聲明重提二十歲時被隱婚有婦之夫追求,更以「人皮獅子」形容對方。 03年,陳加玲也曾大爆舊愛羅傑承拖欠她千萬生意利益,本刊向陳加玲求證,她聲稱曾遭三人拖債,全是熟人所為,好恐怖!當中一人涉及金額上億,更強調:「全部有證據!」

陳加玲與羅傑承拍拖七年分手。



鍾意就快D Share啦!


Related Posts Plugin for WordPress, Blogger...