網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2014年3月18日 星期二

26歲金秀賢精力旺盛 愛在深宵打保齡 金秀賢,




26歲金秀賢精力旺盛 愛在深宵打保齡

2014-03-18 16:16:00



金秀賢原來對碌lane情有獨鍾,更被目擊玩足兩晚添﹗(左圖為圖片)

下月連環襲港澳嘅26歲人氣韓星「都敏俊」金秀賢,自拍完《來自星星的你》後未有得休息,反而頻頻出動吸金及舉行粉絲見面會。

金秀賢繼月初到南京出席節目《最強大腦》,狂賺600萬人仔後,嚟緊佢又連串亞洲巡迴見面會,有排忙呀﹗

而前日(16號)首爾嗰場見面會全場爆曬,金秀賢西裝骨骨現身,喺現場唱《Dreaming》兼同粉絲玩遊戲,其間有名女粉絲生日,佢又好識做即場整生日蛋糕兼唱生日歌,難怪咁受歡迎。成個見面會全程兩個幾鐘,最後金秀賢灑淚謝粉絲支持,相當感性。

而完成首場粉絲見面會後,金秀賢就喺會場附近嘅明星食肆慶功,跟住就返豪宅,以為佢會瞓覺休息?No啦﹗

今日有雜誌就直擊呢位26歲大紅人精力無窮,原來金秀賢對保齡球情有獨鍾,當晚見面會結束後,約深夜12點左右,金秀賢換另一個型仔look,到龍山區漢南保齡球中心碌lane。報道指早喺見面會前一晚,已經有網民目擊金秀賢深宵碌lane,而佢亦喺fan meeting上自爆碌lane碌到腰痛。

當晚金秀賢約咗五﹑六位朋友碌lane,其間佢好鬼high,又不時向朋友教碌lane技巧,兼齊齊give me five,此外,最搞笑係當玩到最後一局時,金秀賢未能全中,碌剩一個樽,當補打時,佢索性用腳將保齡球當波咁踢出去,認真鬼馬。

唔知香港粉絲又會唔會跟偶像一樣,迷上保齡球呢?



(圖片)



(圖片)



早前喺南京錄《最強大腦》時,金秀賢錄到恰眼瞓。



日前同Angelababy喺首爾出席活動。



鍾意就快D Share啦!