開政協會釣曬魚 成龍重蹈「AV仁」覆轍？
成龍喺2013年當選成為政協委員，喺前日，成龍就現身北京人民大會堂，參加全國政協十二屆二次全體會議。喺會議完咗之後，成龍精神奕奕咁行出嚟，仲笑容滿面，其間仲有叫記者小心唔好跌倒。
出嚟嘅時候就鬼咁精神，但係喺會議入面，就快60歲嘅成龍精神就唔係咁好喇。會議期間，成龍畀人影到一臉悶相，有時會拎紙巾出嚟，疑似係抹眼淚，唔知佢係聽到個會嘅議題感動，定係悶到喊呢？
有啲相又見到成龍好似「釣魚」咁，過咗一陣，就見到佢隻眼都合埋咗，係瞓著？定係沉思緊一啲好沉重嘅議題？
幸好呢個時候，救星出現了——有人同成龍大哥傾偈，兩個仲拎住啲嘢喺手上睇，仲睇得好開心0添，唔知係咪拎部手機出嚟開心share喇。本來睇啲咩大家都未必真係咁想知，但係自從經過「AV仁」何俊仁喺立法會上面睇性感相單嘢，再望一望成龍佢哋嘅眼神……有啲竊喜，實在太令人懷疑，AV仁事件，唔會喺人民大會堂再上演呀嘛？
當會議完咗，成龍又精神又開心咁行出嚟，唔知係佢瞓飽休息夠所以好精神，定係個會太充實，令佢獲益良多，所以咁開心呢？
|
鍾意就快D Share啦！
|
|
|
