掃呢頁CODE去手機

2014年3月24日 星期一

呂慧儀陀蟹子兩個月 呂慧儀,

video


呂慧儀陀蟹子兩個月

長腳蟹升cup至35E 陀蟹子兩個月

恭喜!恭喜!現年31歲的「長腳蟹」呂慧儀(Koni)終於得償所願,懷有兩個月「小蟹子」,上圍更由34C激升cup至35E!將榮升新任daddy的黃文迪(Dickson)昨心急在微博貼文,並借用家中兩隻愛貓的搞鬼設計對白洩密。不過呂慧儀怕BB未夠三個月會小器,昨在電話中默認:「身材好咗囉!」

憑奪得06年港姐季軍出道的呂慧儀,與身兼模特兒及健身教練的黃文迪於大前年結婚,雖然比同屆港姐冠軍陳茵媺及亞軍周家蔚更早出嫁做人妻,但卻被二人爬頭做媽咪。結婚三年屢傳有喜,但每次都被Koni否認,直至昨日終於傳來好消息!



■向來想做媽咪的呂慧儀,最近終於得償所願,懷有兩個月「小蟹子」!資料圖片

剪長髮作好準備

Dickson昨午在微博貼了兩隻貓肥獅及飛虎的「對話」露玄機,內容如下:「肥獅:『大佬,我都就嚟做大佬喇!』飛虎:『邊個講你知㗎?』肥獅:『我偷聽到老竇講,唔會假啩?』飛虎:『叫你用嚇腦啦肥仔,係多個主人啊!』」接著Koni在老公微博留言:「搞咩你兩隻嘢作反啊?偷聽老竇講嘢。」最近與Koni合作做節目的林盛斌(Bob)亦若有所指:「我都話㗎同我合作親嘅女藝人都係咁㗎!哈哈!」似暗示Koni有喜。

據悉Koni本月初已得知懷有「小蟹子」個多月,還將一直珍而重之的長髮剪短,為做孕婦作好準備,當時她在微博留言:「我都想短一點,又沒勇氣剪太短啊,及肩是極限了。」另外,最近Koni的身材明顯有變化,日前她仍要開工做節目,上圍由原本的34C激升cup至35E,更被Bob在微博貼上一張「穀奶」相,Bob留言:「原來我一直以嚟都睇小咗你,係我唔啱……」曹永廉抵死回應:「為咩事腫曬㗎陰功!」其實當時Koni已經有「餡」,只是有口難言,前日她在微博留言:「有些話總是在想說不能說的糾結中,可我還是快樂的守候著。人生就是充滿愛與喜樂,感恩每一天都有讓我快樂的事。」



■呂慧儀近日的工作照顯示其上圍明顯升cup。

微博圖片



■黃文迪借用家貓的「對話」,洩露老婆呂慧儀有喜。



■呂慧儀剪短長髮,為做媽咪作好準備。

Dickson賺奶粉錢

記者昨致電恭喜Koni,她哈哈笑扮儍說:「嚇,咩呀?」擔心BB小器?她說:「如果有好消息會同大家分享,應該快㗎喇。」有沒有出現孕婦常見的不適?她避談說:「身材好咗囉!」而Dickson亦難掩興奮,直言緊張到標冷汗,他昨在電話說:「未講得住,但心情真係好興奮同緊張,𠵱家要努力賺多啲奶粉錢……講多咗,係搵定啫。」可會擔心家中兩隻貓見到有新主人會呷醋?他笑說:「唔會,佢哋係𡃁(下屬)嚟啫。」

Koni與Dickson婚後一直恩愛,雖然有過小三疑雲,但很快便雨過天青。曾塗黑指甲的疑似小三傅嘉莉昨在電話中祝福兩人,她說:「嚇!係咩?真係好戥佢哋開心。可能係怕小器,所以唔可以正式公開,等佢哋正式宣佈,我會買一份禮物送畀BB。」可覺得Dickson是好爸爸?她說:「應該係啦,我知佢哋好鍾意小朋友。自己就有排,仲未遇到真命天子。」

採訪:嵐山



■黃文迪與呂慧儀結婚三年,最近終於成功造人。資料圖片



鍾意就快D Share啦!