網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2014年3月29日 星期六

Cammi 7.0完全體:好多人咁整容 Cammi,

video


Cammi 7.0完全體:好多人咁整容

認打針割雙眼皮 Cammi現身:好多人整容

因啜爆陳冠希(Edison)而成名的𡃁模謝芷蕙(Cammi),出道4年容貌不停進化,年僅19歲的她已是娛圈變臉女王。過去半年未見公開露面的她,卻活躍網上分享用「神器」自拍的靚相,至昨日現身訪問,真身面容又起革命,進化到7.0版完全體!她自爆雙眼做了吊針變雙眼皮,還說:「好多人都咁做(整容)!」

𡃁模謝芷蕙的面容變完又變,自大前年流出啜爆舊愛陳冠希的慾照,Cammi食正人氣搶上位,最初被指是女版時裝設計師Nel Nel(張學潤)兼貌似鬥牛㹴,其後女大再十八變唔停,Cammi雙眼越變越大,下顎則如倒三角,臉頰似被刀削,進化前後判若兩人。Cammi自去年暑假露面宣傳寫真後,過去半年幾乎完全絕跡公開場合,她仍不停把自拍照貼上網保人氣,由於照片被添加,真身Cammi卻收收埋埋。



■Cammi與現任男友甜蜜蜜,不時在網上曬幸福。

互聯網圖片

上周才度過19歲生日的Cammi,昨在尖沙嘴接受本報訪問,進化了7.0版的她完全體,有圖有真相。真身Cammi跟網照明顯有分別,眼、鼻及嘴完全不一樣,早前她後悔臉上喪打透明質酸致下顎變形,她說:「打到下巴有嚿嘢,見過鬼怕黑,唔敢再打!」那現在五官可是純天然?Cammi支吾:「雙眼皮𠵱家好普遍,係吊線,唔記得幾針,整咗一年,其實身邊好多人都咁做,連我以前啲同學都咁整,呢行好多女仔都咁做,普遍到好似箍牙咁。」她堅稱這不是整容,又聲稱不會再化濃妝:「成塊臉有一個亮點就夠,今日亮點係紅唇。」



■大前年,Cammi與Edison的密照驚嚇流出。資料圖片

不屑再提Edison

Cammi與Edison分手不是朋友,她釣得年長兩歲的富二代男友B先生,到今年7月才拍拖一年,但已視對方為終身伴侶,Cammi說:「佢好遷就我,好錫我屋企人,雙方家長都見埋,佢係我結婚對象。10分滿分,佢有9分。」問到舊愛Edison不時曬跟女友Ann的幸福,Cammi不屑:「唔記得呢個人,冇聯絡好耐。」若對方結婚可祝福?她交行貨說:「我祝福每一個人。」

有愛情滋潤的Cammi不忘事業,她說:「我同經理人今年底約滿,唔做𡃁模啦,都唔興,我舊年開始搞網上賣嘢生意。」她表示無意拋頭露面到內地夜場登台搵急錢,寧願繼續接model job保持知名度,稍後開時裝店做老闆娘。

採訪:比華利

場地:Harlan's(The One)



【深雙眼皮】



【三角下巴】

越變越膠:變臉進化錄

Cammi變臉技術出神入化,由最初女版Nel Nel(張學潤)不斷變,數年間完全進化成7.0版!

【1.0版】清純嘟嘴

自稱小學時期,嘴嘟嘟的Cammi仍一臉純真稚氣。



【2.0版】素顏學生

11年11月,長面學生look,礙於返學惟有素顏亮相。



【3.0版】女版Nel Nel

11年12月,濃妝變熟女,與正版Nel Nel(圖左)世紀相認。



【4.0版】面瘦鼻尖

12年6月,瘦面、鼻尖,女大十八變。



【5.0版】硬膠V煞

13年7月,大眼仔、V煞臉,硬膠樣,面目全非。



【6.0版】仍在進化

今年2月,割雙眼皮,刀削臉,仍在進化中。



【7.0版】無PS真身

Cammi昨接受本報訪問時現真身,在沒有PS加工下,可見其大眼、間尺鼻及倒三角下顎已完全進化。

攝:陳志嵐





鍾意就快D Share啦!