網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2014年3月19日 星期三

[FACE 356] 男神開波 深宵出動 玩足 2晚 獨家直擊金秀賢神技碌 Lane 金秀賢,BKD_S,MF,




2:00am 17/3

戴埋保齡球手套的金秀賢,打波時意見多多,不時同朋友分享碌 lane心得,記者現場觀察佢玩嘅 3局,每局總得分分別為 129、 132及 125(保齡球每局總分為 300),以玩嚇嚟講都算係咁嘅。

真面目

男神開波 深宵出動 玩足 2晚 獨家直擊金秀賢神技碌 Lane

辛苦拍完《來自星星的你》一段時間,「都敏俊 C」金秀賢冇得放大假,繼續出動搵銀,繼本月 8日快閃南京上江蘇衞視節目《最強大腦》勁賺 600萬人仔,都教授又要開始亞洲巡迴見面會( Fan Meeting),繼續穀人氣。

週日( 16日)頭站首爾全場爆滿,金秀賢又唱又同 fans玩遊戲兩個幾鐘,天光離家去 rehearsal直至夜晚近 9點先收得工。不過 26歲仔大把精力,本刊直擊金秀賢完騷後跟工作人員吃飯慶功,再返屋企換套衫又出去玩過。同朋友由深宵碌齡碌到淩晨 3點先肯收手。

雖然後生仔唔使點休息,不過都教授玩到咁殘,希望佢 keep到靚仔樣下星期去上海見粉絲

都教授教波

有朋友碌得唔好,金秀賢即刻教授上身,耐心分析,不如搵劉華同佢切磋嚇吖!

包剪揼分組

開波前,金秀賢(紅箭嘴)同朋友猜包剪揼分組比賽,似足大細路。

Give me five!

隊友攞到高分,金秀賢即刻 give me five,好有團隊精神。

16/3碌完又碌

為《星星》開工期間,金秀賢亦被拍到打保齡,看來男神真係打保齡打上癮!

網上圖片

熱愛保齡的金秀賢,近期經常被影到去唔同球場碌 lane。 FM當日( 16日)淩晨先去了唔少明星愛幫襯的 Pierrot Strike打夜光保齡,姿勢仲勁誇張。

慶完功即玩

金秀賢於 FM當晚跟工作人員食飯慶功後,返屋企換件衫沖個涼即撲出街碌齡,男神果然活力過人。

10:40pm明星竇慶功

見面會一結束,金秀賢即刻飛車去離會場(世宗大學)不遠,近 SM及 JYP等各大經理人公司的明星食肆「 Done Zone」慶功。

11:00pm

上樓換衫都有經理人傍實,粉絲想埋身都難。

12:00mn

戴住鴨舌帽的金秀賢,在家留了 45分鐘,沖個涼換件衫,即坐約 10分鐘車程到龍山區,漢南保齡球中心玩。

3:15am

保齡球場人多,金秀賢出入都係戴住帽𠌥低身行。喺球場玩咗 3粒鐘,金秀賢終於攰,返家休息。

金秀賢 4.23襲港

FM咁多個站都冇香港? CK Jeans活動仍未落實,但唔緊要,莎莎同韓國護膚品牌 BEYOND聯手請到該護膚品代言人金秀賢訪港。活動鐵定於 4月 23日舉行,行程 3日 2夜,港飯總會見到都敏俊一面。至於全智賢,則會在本月 21號到上海出席護膚品牌「韓後」的活動, 23號轉飛雲南,而金秀賢亦於本週六及日分別到台灣及上海舉行 FM,到時會唔會又去當地場碌齡呢?

4.23香港

3.21上海

韓國神劇《來自星星的你》播完近一個月,但星星熱依然未減,食住「都敏俊」條水, 26歲金秀賢密密出席公開活動,更會在 3月展開亞洲巡迴見面會( Fan Meeting),去勻中台泰等地,趁下年服兵役前搵定一筆。

拍完《星星》後剪咗新髮型的金秀賢,即刻搣走教授味,變回一個 26歲的大男孩,開完騷都仲有精力打保齡,認真厲害!

喊住多謝 Fans

大會原本只安排了 5位粉絲上台玩遊戲,但金秀賢主動加碼,抽多 5位,亦令 FM超時近 1個鐘。

週日( 16日),本刊直擊 FM首爾站,當日未開騷已有大量粉絲排定隊等入場,由於門票只需二百幾港元, 2月開賣時 15分鐘即宣告售罄。現場所見,唔少撲飛失敗的粉絲專程去會場博買黃牛飛,可惜一票難求,有錢都冇用。

終於等到 6點開場,金秀賢即西裝骨骨現身唱 11年電視劇《 Dream High》插曲〈 Dreaming〉,然後又同粉絲玩遊戲,其中有女粉絲當日生日,金秀賢即場整生日蛋糕兼唱生日歌,仲攬住對方影合照。全程兩個幾鐘的 FM,金秀賢總共唱了 5首歌,包括《來自星星的你》插曲〈你家門前〉及〈 Nobody〉,唔係歌手出身的金秀賢雖然唱到有少少走音,不過粉絲都照單收貨,全程尖叫打氣。

玩到 8點幾,金秀賢感觸落淚多謝粉絲,「偶爾也會有覺得累的時候,但有像今天這樣的時光,所以覺得很幸福。很感謝今天來到現場的各位,我會為了盡快帶來好的作品而努力!」

自爆吸煙

金秀賢同主持傾偈時,自爆在往南京的專機上食煙。

臨別灑淚

唱過幾首劇集插曲,金秀賢當然要唱歌冧粉絲唱最尾一首歌時仲喊曬口多謝粉絲支持,感性到呢!

大方任掂

其中一個環節,由金秀賢同女粉絲模仿金有份主演的電視劇或廣告海報內,金秀賢跟女主角的親密造型,金秀賢絕冇就住就住,同粉絲拖手搭膊都無任歡迎。

保齡球當波踢

上星期四,金秀賢喺 Samsonite活動內主動扶 Baby落樓梯,勁有風度。網上圖片

FM由晚上 6時開始,至 8時多完騷。做完喊包,金秀賢在多名工作人員護送下離開會場,直接到會場附近的明星食肆「 Done Zone」慶功,然後返回位於銅雀區的豪宅小休 45分鐘,在淩晨 12點左右再以一身便服落樓,到龍山區漢南保齡球中心碌齡。

早在 FM前一晚,已經有網友目擊金秀賢深宵碌夜光保齡,佢自己亦在 FM自爆碌到腰痛,估唔到都教授真人原來十分爛玩獨愛保齡,受傷都要繼續碌。約了 5、 6個朋友的金秀賢全程 high爆,不時手指指教波,又同朋友擊掌打氣,睇得出 26歲的他仍然相當有童真。最搞笑係當玩至最後一局時,金秀賢未能全中剩 1樽,補打時,他竟用腳踢保齡球出去,當波咁踢!

延遲入伍鬆口氣

一度有傳 26歲金秀賢係時候入伍服兵役,但有指軍方決定批准延期,放生畀金秀賢搵多一年錢。其實韓國規定 20至 30歲的男公民需要服兵役,話唔定金秀賢仲有兩年,到 28歲才需要入伍!

雖然仲有得搏殺,但金秀賢已經未雨綢繆,開行 turbo搵錢。除了一連串見面會外又狂接廣告,上週四( 13日)先在韓國同 Angelababy為代言的新秀麗品牌行騷,下月再來港為代言的護膚品牌 BEYOND出席活動,有傳身價高達 200萬港元。貴為現時最炙手可熱男星,連 Baby想合照都只可以企埋一邊等機會,到時港飯想埋身,真係要度定計仔喇。

送金秀賢 FM限量紀念品

本刊難得入到場見證金秀賢 FM首站,當然要買少少紀念品送畀大家!今期《 FACE》送出限量紀念品 4件,名額共 4個,讀者快啲登入本刊及 FACE K-Pop facebook fanpage即 Like,成為我哋兩個專頁會員並分享連結( share),答啱問題贏金秀賢精品。

紙板公仔

電螢光棒

文件夾

Memo Pad

嘟入 facebook即 Like成為我哋專頁會員,答啱問題贏獎品! Face Magazine

FACE K-pop

FACE Magazine



鍾意就快D Share啦!