掃呢頁CODE去手機

2014年3月19日 星期三

[FACE 356] 投城所好 舞功箍仔 苟芸慧跳 hip hop攻城 城城 苟芸慧,郭富城,城城,MF,




電眼冧望

苟姑娘未去到最 fit狀態,但城城都公開讚佢係女神,仲不時用對天王電眼望到苟姑娘實一實,苟姑娘當然笑得開心

真面目

投城所好 舞功箍仔 苟芸慧跳 hip hop攻城

48歲郭富城單身後搶手,就連他於 Instagram關注的𡃁模,也吼實「城嫂」位,之不過跟城城最合襯的,一定係靚番又瘦番的苟芸慧。這對曾傳緋聞的情侶上週一齊出席腕表店開幕活動,雖然苟姑娘仲未回復最佳狀態,但據知這次現身是由城城有份向品牌推薦撮合,郭天王更公開讚苟姑娘係女神。

為了不讓天王失望,苟姑娘最近便找來薛凱琪和 G.E.M.曾聘用的日籍排舞師學跳 Jazz及 hip hop舞。與此同時,苟姑娘亦有意拜師黃秋生,向秋生學戲。準備以最佳狀態,於 6月全面「 come back」。

又升 cup

苟姑娘肥咗少少,不過上圍同樣升 cup。

30歲苟芸慧上年聲稱因甲狀腺問題,體重標升令女神地位不保,甚至被封「肥苟」。好彩上年尾病情開始好轉,慢慢搣甩「肥苟」身形,回復之前的靚樣及「 S」身材,更成為無綫接騷王之一,騷價企硬 10至 12萬。

12萬騷價

苟姑娘大半年冇拍劇,但依然不斷有人揾佢出騷,完騷後依然有大批記者追訪,人氣不減。

11年苟姑娘因傳介入熊黛林及城城戀情,加上健康問題,令心情低落。不過事隔 1年有多,城城跟熊黛林分手,苟芸慧的「小三」嫌疑亦隨即洗脫,所以上星期二人亦不避嫌一起出席腕表活動,更大方合照。

雖然當日的狀態未到最 fit,但穀胸上陣,加入狂向天王放電,已令天王暈曬大浪,公開讚苟姑娘:「佢容光煥發,面色好咗。佢係女神,想有機會再合作。」郭天王讚到出口,苟姑娘當然開心。據知由於該腕表品牌由城城出任形象大使,所以順理成章,城城可揀選當日跟那位女星主持開幕,城城二話不說,欽點了他眼中的女神苟芸慧;而苟姑娘亦沒有因為跟前緋聞男友郭天王同台而加價,當日只收大約 12萬落袋。

想拜師秋生

苟姑娘上年拍完《飛虎 II》後,便因甲狀腺問題,暫休唔拍劇。《蘋果日報》圖片

據知苟姑娘跟無綫有 3年合約,自上年 9月拍完《飛虎 II》後已冇拍劇。不過無損吸金力,到 3月為止已接 6個騷,最少穩袋 60萬,叻過其他有劇拍的花旦。

停工半年的苟姑娘亦冇 hea住度日,反而不斷自我增值,最近仲搵薛凱琪和 G.E.M.都聘用過的日籍排舞師 Haruna Kunisawa學跳 jazz和 hip hop舞,每星期跳足 3日。苟姑娘回應時說:「我想調理好身體先拍劇,大概 6、 7月後先會拍。(係咪因為城城先學跳舞?)哈哈,絕對唔關事。學跳舞係想發揮自己多啲 talent(才華)啫。」學完跳舞後,苟姑娘更會學做戲,有意找黃秋生指教,不過向苟姑娘求證,她說其實仍未揀定老師,一切以調理好身體為先。

薛凱琪師傅收徒

Haruna Kunisawa喺紐約學跳舞,當年由著名排舞師 High King引薦來港,為唔少星級歌手伴舞,包括 G.E.M.及林憶蓮,同薛凱琪更是好朋友。網上圖片

星級導師

日本妹 Haruna Kunisawa前年在 Eason《 Duo》演唱會上,同 Eason喺〈無人之境〉跳熱辣身舞兼激咀,令她在行內上位。網上圖片

跳舞學校 ONES TO WATCH為著名排舞師 High King創立,為圈中星級學堂,苟姑娘報讀嘅就係由 Haruna Kunisawa執教的課程,每星期都會上堂。

茍姑娘除咗學跳舞,嚟緊仲想學戲。據知她想跟黃秋生、甄詠蓓開班嘅「一點出發」學戲,唔少圈中人包括沈卓盈、莊思敏及 HotCha的 Winkie亦係學生。

減肥速度唔理想

家庭醫生關嘉美醫生話:「如果係甲狀腺功能失調,就會影響佢嘅新陳代謝,新陳代謝一慢或者唔正常,體重就會上升或者減肥速度唔理想,但治療嘅方法其實唔複雜,食藥已經可以醫好喇,不過食幾耐就因人而異。其實甲狀腺功能問題唔係嚴重嘅病同唔難醫,極少機會下需要開刀,不過要定期驗血。」

周身鬱

苟姑娘一向好動,除咗現時學跳舞,之前已試過打泰拳,又跟過富婆陳君怡學潛水,更愛玩保齡球、羽毛球等。苟姑娘平時飲食亦節制,如果唔係因為甲狀腺問題,以苟姑娘嘅運動量,身形應該 fit過運動員。

打泰拳

苟姑娘當日為搣走「肥苟」個名,試過同陳嘉桓、朱慧敏等去黃埔學泰拳。

學潛水

上年苟姑娘被本刊拍得跟富婆陳君怡學潛水,不過被記者發現後苟姑娘即停學。



鍾意就快D Share啦!