網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2014年3月26日 星期三

[FACE 357] 林峯旺角被扑濕 MF,




成日話林峯係少爺仔,不過佢拍動作戲又唔會姐手姐腳,當日攞住條搭棚竹當棍舞都似模似樣,嚇得嚇人。

FBI

林峯旺角被撲濕

林峯雖然出名又 chok又姿整,不過佢拍戲嗰陣其實都好搏命㗎, FBI聽聞峯哥大部分打戲其實都係親身上陣,好少用替身。

最近 FBI行開旺角,經過一條冷巷聽到鬼殺咁嘈,入去睇嚇咩事,原來 chok峯同佘詩曼拍緊新劇《使徒行者》。

當日拍一場劈友戲,講 chok峯一打七,十足《戰狼 300》。雖然拍戲只係用假刀假棍,不過 FBI發現當班武師知道係 chok峯,事前都好緊張,仲問 chok峯使唔使戴護臂? Chok峯好型咁話:「唔使」點知正式 roll機,有位武師唔小心,一棍打落 chok峯哥耳仔度,峯哥真係忍唔住痛到叫咗出嚟,不過峯哥繼續 keep住型話:「冇事,冇事!」呢啲咪專業囉。

打中耳仔

就係呢下喇,峯哥被武師大哥一棍打中耳仔,好彩係假棍(發泡膠製成)。

阿佘重返無綫首套劇集,就係夥拍同佢傳過緋聞嘅林峯,劇中佢會同林峯山生入死,有唔少動作場面。

雖然峯哥被擊中,不過佢依然好識搞氣氛,鏡頭後成日都氹阿佘大笑,不過千語 BB應該唔會咁易呷醋嘅。

拍完打戲,二人專心睇 playback。劇中林峯飾演古惑仔,髮型十足都敏俊,啱啱由外星到地球咁梳齊蔭。



鍾意就快D Share啦!