全城熱爆的娛樂八封新聞 & 時事趣聞 & 生活 + 趣聞
由「宇宙最強」甄子丹、黃聖依、王寶強及任達華等孭飛，拍足 2年嘅 3D動作大片《冰封：重生之門》，會喺下月 17號復活節檔期上畫。《冰封》講述由甄子丹等飾演嘅「英」、「虎」、「獒」及「龍」 4人原本係好兄弟，但就因唔同原因互相誤會最後反目成仇。由明朝冰封 400年後蘇醒，喺現代再打過。
《冰封》賣嘅係中國片但荷里活式特技，集齊科幻動作愛情同 3D元素，照咁聽都有一定吸引力。 FBI仲查過今年復活節檔期香港冇任何荷里活大片上映，咁即係話丹爺今次分分鐘冇對手，復活節獨贏。
黃聖依飾演喺蘭桂坊搵食嘅陪酒女，偶遇來自明朝嘅錦衣衞賀英（甄子丹飾演），並發展一段穿越時空嘅愛情。
《冰封》有唔少片段都喺香港取景，好似呢幕咁，就似喺西貢一帶島嶼拍攝。
王寶強飾演丹爺其中一位好兄弟，但之後反面，仲會同丹爺打餐死。
上星期 FBI又咁蹺喺 ifc撞到丹爺同老婆汪詩詩，二人仲入蘋果店掃咗十幾部 iPad。
