網頁

請重新LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2014年4月4日 星期五

[忽然1周 975] 懷孕三月即現 33吋巨肚 呂慧儀為蟹籽搬新竇 呂慧儀,MW,




33吋肚

周日( 3月 30日),長腳蟹離開天水圍寓所,著住運動套裝的她,腰間甚有肉地,睇落唔止三個月。

滾熱辣

懷孕三月即現 33吋巨肚 呂慧儀為蟹籽搬新竇

31歲的長腳蟹呂慧儀與黃文迪結婚兩年多以來,一直努力造人,不過肚皮始終唔爭氣。直至上周五( 3月 28日),長腳蟹終於在微博報喜,表示佗住蟹籽沙律三個月。

上圍本屬重量級的長腳蟹,自從有餡後,已由 34C升至 35E。周日( 3月 30日),本刊更拍得長腳蟹肚皮激凸,腰圍急增至 33吋,似有咗五、六個月咁款。據知現居天水圍的長腳蟹,為令蟹籽沙律有更佳的學校網,產後會搬去將軍澳日出康城,一家三口逃出悲情城市。











弗爆 26吋腰

去年 8月,長腳蟹著噴血三點式出海,當時未有身孕的她,身材弗爆,腰圍只得 26吋。

有餡變 E奶

長腳蟹上圍一向豐滿,不過自從有餡後, 34C升至 35E。與她合拍《年代大激鬥》的阿 Bob林盛斌上周在微博讚她身材激凸。

周日( 3月 30日),長腳蟹呂慧儀與老公黃文迪離開天水圍嘉湖山莊寓所,長腳蟹雖然佗 B只有 3個月,但經已肚凸凸,腰圍比弗爆時期暴脹 7吋,由 26吋升到 33吋。大部分孕[!996E]三個月未見肚,如此看來,長腳蟹今胎必屬巨磅肥 B。

情侶裝搵食

腹大便便的長腳蟹和黃文迪當日穿上情侶運動裝齊齊去停車場攞車,拍拖搵食,點知撞正當晚黑雨,搞到二人折返家中。

食孕婦奶粉補身

長腳蟹年初得悉有喜時,已急不及待搵有佗 B經驗的親戚教路。知情人士說:「 Koni(呂慧儀英文名)一直恨有細路,上年尾經已開始睇中醫調理身體,冇幾耐就造人成功喇!之後有親戚教佢懷孕初期要食多啲孕婦奶粉,一來長胎,二來啲老人家話足磅 B易湊啲喎!之前 Koni怕自己偏瘦, BB唔夠肥。佢都冇諗過咁 work,個肚大得咁快!」現時孕味極濃的長腳蟹,除繼續食孕婦奶粉補身外,食量更打孖上,務求身體有力撐住巨肚。

康城三期有優勢

據知長腳蟹睇中的樓盤是將軍澳日出康城第三期緻藍天。緻藍天下月開售,並於今年尾入夥。根據日出康城一、二期現時呎價走勢,預計緻藍天平均呎價大約維持八千蚊一呎左右。若長腳蟹撲槌買 500萬樓的話,估計可買大約實用面積有六百多呎的新樓,夠曬一家三口住。

至於學校網,將軍澳亦比天水圍優勝,緻藍天本身除有東華三院開辦的小學和中學外,屬西貢區的將軍澳亦有 26間小學,其中四間屬直資,具備一條龍條件。

緻藍天位於日出康城港鐵站上蓋,地理位置唔錯。

優才書院屬直資小學,位於調景嶺,距離緻藍天只有 5分鐘車程。

吼 500萬新樓

長腳蟹與老公黃文迪於屯門長大,大部分家人亦居於屯門、元朗和天水圍一帶,因此現時租住天水圍嘉湖山莊的她,從未考慮過搬出有「悲情城市」之稱的天水圍,但為了下一代著想,這個想法始終要變。「其實 Koni喺將軍澳返工,每晚收工後揸車返入天水圍,最快都要 35分鐘,曾經諗過喺將軍澳置業,但始終唔捨得屋企人。不過今時唔同往日,佢哋兩公婆吼中將軍澳日出康城 500萬細價樓,除咗方便第時放工返屋企湊 B外,將軍澳區嘅校網始終比天水圍優勝,至少冇咁多新移民。」知情人士說。

大肚躁底

周三( 2日),長腳蟹揸車外出,記者上前訪問她,不過她甚為躁底,並叫保安驅趕記者。

兩公婆賣萌

長腳蟹自有餡後,不時與老公黃文迪在微博曬恩愛。早前二人就在網上賣萌,不過佗 B的長腳蟹塊面明顯圓潤了不少。

玩足大半日

上周六( 3月 29日)早上 11時,記者發現佗 B 3個月的長腳蟹揸住七人車出街,而且車速頗快。直至翌日零時 45分,長腳蟹才捨得返屋企。大肚婆應該抽多些時間休息較好。

放產假 5個月

長腳蟹近年在大台主力擔任主持工作,不過她唔介意性感出騷,所以收入向來穩定。至於她老公黃文迪有份私人健身教練正職,加上不時接模特兒工作賺外快,兩公婆一齊供層 500萬樓,也未至於太過吃力。

長腳蟹預產期為今年 9月底,據知她已推了一部古裝劇,待 4月中拍完《年代大激鬥》後便開始放長達 5個月的產假。

周三( 2日)記者就產後搬新竇一事搵過長腳蟹,不過她拒絕回應:「有咩事問我經理人」

長腳蟹老公黃文迪今年 36歲, 08年參加港男後加入大台卻不受重用,身形暴脹不少(左下圖)。現時他兼職模特兒工作,早前曾與傅嘉莉傳緋聞。

有排生

唔少女藝人都趕在馬年生 B,繼洪欣誕下娛圈第一 B後,吳佩慈、 Cara G.亦宣布將為人母。不過喜事當然停不了,除了長腳蟹,亦有多位女藝人搶閘做馬年媽媽。

大 S本月生得

大 S與北京富二代汪小菲結婚 3年多,一直有傳積極造人但未能成功。直至丈夫去年捲入三亞「海天盛宴」桃色醜聞,大 S仍然不離不棄,最終造人成功,預產期為 4月。

楊冪暑假誕女

楊冪與劉愷威 1月在峇里成婚。婚禮過後不久,便透過微博宣布懷孕。而劉愷威更自爆生 B女,預產期為 7月。

張新悅積極追仔

已經有兩女的張新悅, 3月出席活動時承認意外懷孕,有餡 3個多月。她揚言絕不封肚,積極追仔。



鍾意就快D Share啦!


Related Posts Plugin for WordPress, Blogger...