網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2014年4月11日 星期五

[忽然1周 976] 懷孕五個月 承諾繼續追仔 徐淑敏:呢個都係女 徐淑敏,MW,




凸肚湊女

上月 11日下午約六時,當時佗住四個月身孕的徐淑敏仍堅持接兩女兒放學。肚凸凸的 Suki拖住 3歲大女 Vianna, 2歲細女 Renee由司機抱住。

娛樂喧

懷孕五個月 承諾繼續追仔 徐淑敏:呢個都係女

徐淑敏( Suki)自 09年嫁黃浩後,極速為他誕下兩女,如今大女 Vianna已 3歲,細女 Renee則 2歲。 Suki坦言曾向已故老爺承諾會為黃家繼後香燈,去年她與老公去馬爾代夫旅行,結果再次造人成功,現時已懷有五個多月身孕。

當大家都好想知, Suki今胎仔定女,她卻輕鬆大方揭盅:「呢胎都係女……屋企將會好熱鬧!」似乎沒有半點失望,不過今胎未能追到仔,睇嚟 Suki肚皮仲未收得工。











幸福圓面

Suki一向 keep住 V煞面,當日面形明顯圓潤不少。

由港姐到藝員,再轉型做護膚品公司創辦人的徐淑敏,先後為商人黃浩誕下兩女。 29歲的她早前已跟大台和平解約,回復自由身之餘,亦可安心繼續造人。

講過三十歲前生多個的徐淑敏,果然言出必行,她一直想幫老公追個仔,知情人士透露:「 Suki嫁咗五年,一直都好旺老公。早排 Kenny(黃浩)收購咗份報紙,生意愈做愈大,所以 Suki一直想幫老公生個仔,第日可以接管佢啲生意嘛。雖然老公冇俾壓力 Suki,仲講到明三個女都冇所謂,一樣咁開心,不過 Suki點都會繼續追仔,咁後生大把本錢生」

曬溫馨

一家四口見報率非常高,出席活動夠曬幸福,遲些一家五口就唔夠手抱啦。

照著高踭鞋

上月初黃浩及徐淑敏現身四季酒店,當時懷胎四個月的 Suki照樣穿高踭鞋,不過有老公傍住冇有怕。

「過咗最辛苦時間」

有錢唔怕繼續生,徐淑敏曾說過生夠三個便收工,希望可以追馬仔。不過記者周一( 7日)致電 Suki,她似乎改了想法未想「收工」住。

徐:徐淑敏 記:記者

記:恭喜你 Suki,又做媽咪喇!依家佗緊幾多個月?

徐:多謝你呀!依家大概五個半月。

記:仔定女?

徐:今次呢個都係女。

記:會唔會幫老公繼續追個仔呀?

徐:睇情況啦……睇下老公對我好唔好啦,哈哈!三個女熱鬧啲仲好,我同我老公都鍾意熱鬧。

記:今次有冇出現害喜現象?

徐:早兩三個月之前嘔過一次,依家過咗最辛苦嗰段時間,算係佗得舒服,屋企人好 take care(照顧)我,依家都努力工作

狼狽拖女過馬路

黃浩拖兩個女過馬路,點知一個行得快,一個行得慢,十分狼狽,最後 Suki及外母出手救駕,拖番兩女兒,才有驚無險。

接女大陣仗

黃浩接兩女放學認真大陣仗,出動兩個黑人保鑣及兩架大車接載,他更即場分配各人座位。

公司上軌道

2012年 Suki創立護膚品牌,現時大住肚依然要打理業務。不過她表示公司已上軌道,毋須每日定時返工,今年更會全力發展香港市場,護膚品將會在港上架。

現肚湊女放學

腹大便便的 Suki,現時除了打理自己的美容生意外,仍不忘親力親為照顧兩女兒。上月 11日下午六時許,她與老公、家人及保鑣出動兩部車,在中環齊齊接兩女放學。不施脂粉身穿白色鬆身外套兼平底 boot的 Suki,行起來依然輕盈,後來一陣風將外套吹起,其隆起的腹部即時凸顯。雖然她已第三次懷孕,經驗豐富,不過每行一步依然特別小心,尤其落樓梯,都刻意減慢速度。當安排兩女及家人上車後,就一同返回大埔比華利山寓所。

生意人追仔

不少名人女星嫁作人妻後都努力造人,尤其是夫家擁有生意王國,就更加希望幫老公繼後香燈。不過呢個世界冇話包生仔,生嚟生去都係女嘅大有人在,就好似夏春秋拍嘅政府宣傳片一樣,仔仔女女仔……,冇人知呢一 round會「開」咩?

邱淑貞

邱淑貞 99年嫁給商人沈嘉偉,先後誕下沈月、沈日及沈星三名女兒。有傳現年 45歲的她不斷尋求生仔秘方,希望生個男丁,他日繼承其 I.T王國。

黎姿

黎姿 08年宣布退出娛圈,同年嫁富商馬廷強,之後誕下三名女兒,現年 42歲的她相夫教女,不時傳出再有喜的消息。

王富信

圈中亦有追仔成功例子,李嘉誠大仔李澤鉅與妻子王富信,婚後一連三胎都是女兒,後來王改名為王儷僑,不久終為李家添丁。



鍾意就快D Share啦!