網頁

請重新LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2014年4月18日 星期五

[忽然1周 977] 中環新店趕工 黎姿為細佬擴充美容王國 黎姿,MW,




容光煥發

黎姿偕助手到中環新店打點,當天她身穿西裝外套。內著招牌「白恤衫」,看上去春風滿面,明艷照人。

娛樂喧

中環新店趕工 黎姿為細佬擴充美容王國

黎姿( Gigi)胞弟黎嬰 07年因發生亡命車禍後重創,黎姿全力接管弟弟在銅鑼灣的美容診所生意,幾年間搞得有聲有色,更一直計劃進軍內地及海外市場。

近年黎嬰病情好轉,為圓弟弟的美容王國夢,近日黎姿積極擴充美容院業務,更秘密在中環雪廠街開三千呎分店,好讓細佬全面康復後重掌大權。本刊日前目睹黎姿幾乎每天都到新店,𥄫實裝修工人趕工。原打算為老公馬廷強追仔的她,亦因新店事務疲於奔命,暫時煞停造人大計。











全靠黎姿悉心照顧,去年 1月,黎嬰已可自行單手用叉吃西餐,康復進度比預期理想。

向來視弟如命根的黎姿,自細佬出事後,遂放棄自己如日方中的演藝事業,息影全力照顧。

𥄫實新舖進度

每天忙於湊女外,最令黎姿心力交瘁的,便是打理弟弟於 05年創辦、在銅鑼灣開設的美容診所 CosMax。據知在黎嬰出事後,診所一班闊太熟客一度退款走人,公司曾裁員「止血」。黎姿當日挺身幫弟弟渡難關,除日日返診所主持大局和睇住盤數,又高薪聘請多位名醫駐診,加埋有自己做生招牌,幾年間搞到有聲有色,由原本僅千呎的診所擴充至近 7千呎,現時平均每月營業額估計逾 300萬。

本刊收到消息,雄心壯志的黎姿,近日窺準內地豪客生意,積極拓展業務,更選址在中環雪廠街甲級商廈開分店。據知分店已裝修得七七八八,望能趕及五一長假期開張。上周,記者連日目睹黎姿湊完女後,都會現身新店跟進裝修事宜。上周二( 8日),她在新舖由下午五點逗留至晚上八點,才乘七人車返中半山騰皇居寓所休息。翌日午飯後,女鐵人又出動到上址𥄫實工人裝修,她足足逗留了 5個鐘,其間曾到附近餐廳醫肚,食飽後繼續返舖頭打點。當她離開時,記者上前欲與她做訪問,但她即急步上七人車離開。

密密巡舖

上周三( 9日)下午,黎姿現身中環,由落車到上樓,一條街路程,黎姿已接了兩個電話密密斟,盡顯老闆地位。當天她在新店逗留了五小時才離開。

做到天黑

前一晚( 8日)晚約 8時,黎姿在新店忙完一天傾裝修事,便立即由司機接載返家陪老公及三個囡囡。

黎姿自 09年與馬廷強結婚以來十分恩愛,老公更一直做她經濟後盾。

分店趕工

三千呎新店位於中環雪廠街西洋會所大廈,連日來裝修工人不停在趕工。

中環新舖

銅鑼灣舊舖

黎嬰位於銅鑼灣金朝陽中心的美容診所,佔地 7千呎,月租約 30萬,有黎姿做生招牌,生意不俗。

黎嬰逐漸康復

黎姿開分店的目的,全為弟弟鋪路。 07年黎嬰車禍重創險變植物人,早年一直住在麥理浩復康療養院由專人照顧。近年他情況好轉,面部可鬱動之餘,亦由最初只講到單字,到現時可連續講說話,去年他更搬回家與父母同住。知情人透露:「 Gigi對 Stephen(黎嬰)真係無微不至。今次開分店, Gigi就同老公商量,最後攞咗 500萬出嚟搞。除咗錢之外, Gigi周不時會同 Stephen傾偈,每次講到診所生意, Stephen都會好大反應, Gigi知細佬心裏面仲有團火,梗希望幫佢圓夢,等佢好番可以接手,遲啲新舖開張, Gigi都會帶細佬去睇嚇。」

黎姿三位千金同樣是她命根,早前她便帶同 3歲半的孖女,到海洋公園,又不時親自挑選名牌童裝。

煞停追仔大計

新舖面積達 3千呎,因在中環甲級商廈地段,故每月租金高達 40萬,比起羅素街的舖面雖然少足足 4千呎,但租金卻貴 10萬。據聞黎姿為新店引進大量外國高級美容儀器,以吸納有錢闊太族。

42歲黎姿為新店忙到一頭煙,雖然早前曾傳她為追慈姑椗,在醫院秘密注射超級排卵針,可惜至今一直未有消息。據知她與老公馬廷強已有共識,暫時煞停生育計劃。知情人續說:「 Gigi同 Patrick(馬廷強)都知呢兩年唔搏,機會會愈嚟愈細, Patrick係大戶人家,講到底都希望有人繼後香燈,不過生仔講緣份, Gigi依家一心諗住開咗新店先算, Patrick咁錫老婆,乜都聽曬老婆話」

中西合璧救細佬

未嫁前,揹起成頭家的黎姿,與弟黎嬰感情至深,為供細佬到英國讀書,及返港開美容診所,她死做爛做搏到盡。直至細佬發生意外後,更退出娛圈,並求遍中西神佛,為細佬仆心仆命。

昔日黎嬰出名靚仔兼年輕有為,美容診所開幕那天黎姿悉心打扮賀細佬,以他為榮。

四川點七星燈

細佬出事後,黎姿專程赴四川普黑寺為他點七星燈續命,及在寺內「地藏殿」買下祈福牌位。

貴州起學校

08年尾黎姿到貴州山區探訪小朋友,更以弟弟名義興建學校,積福積德。

車禍後黎嬰半邊腦癱瘓,需以輪椅支架代步及支撐腰椎。

求見殘障傳道人

黎姿跟隨樂易玲返教會日夜替黎嬰祈禱,年前四肢殘障的澳洲傳道人 Nick Vujicic來港做見證,黎姿帶同細佬秘密求見,望心靈慰藉。



鍾意就快D Share啦!


Related Posts Plugin for WordPress, Blogger...