網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2014年4月25日 星期五

[忽然1周 978] 拒宣傳扮大牌態度差 陳慧珊辣㷫志偉 志偉,陳慧珊,熱門,曾志偉,MW,




黑面到場

滾熱辣

拒宣傳扮大牌態度差 陳慧珊辣㷫志偉

「香港電視」開台不成,但其製作的電視劇贏盡口碑,亦對粗製濫造,缺乏新意的大台,造成不少壓力。去年大台搵曾志偉出面力邀多位已淡出幕前的熟女拍年度重頭劇,希望助公司起死回生。

呢套劇以健康舞為題材,話就話七大熟女做主角,但實際由李若彤、李麗珍及江欣燕孭重飛。有傳演慣專業人士的陳慧珊對淪為配角甚為不滿,多次公開呻在劇中的「惡女」角色不討好。有幕後人士爆料,指心情不佳的陳慧珊拍攝期間經常扮大牌教對手做戲。近日新劇出街,亦多次拒絕出席宣傳活動,因此辣㷫首次為大台監製的曾志偉。











曾志偉首次監製的大台劇集剛於周一( 21日)首播,務求打響名堂爭取好收視。劇集由志偉落重本碌盡人情牌,邀請李若彤、李麗珍及陳慧珊等過氣女演員參演。去年初志偉落足嘴頭力 sell陳的角色是女主角之一,傾掂陳慧珊經理人兼老公鍾家鴻,鍾家鴻才拍心口遊說老婆演出。

嫌角色唔討好

陳慧珊十多年前是大台當家花旦之一, 07年下嫁經理人兼老公鍾家鴻,近年淡出娛圈重返校園讀書。但 2012年鍾家鴻的公司因經營不善破產,陳慧珊早有心理準備復出擔起頭家。對於有機會復出演重頭劇,陳慧珊起初都沒有抗拒,更主動向大學申請將修讀的英文碩士課程延期。

當陳慧珊收到劇本,知道自己飾演奸角,而且戲份較其他六女少,已即時向老公投訴角色無發揮,無奈鍾家鴻一早應承志偉。陳慧珊曾在訪問中多次談到角色並不討好:「以往電視台都搵我做討好嘅角色……今次呢個角色好孤獨,冇朋友。」做得唔開心態度當然唔會好,知情人士透露:「套劇拍緊嗰陣大家都好開心,班女演員年齡差唔多,鏡頭後有講有笑,仲會約食飯。得陳慧珊成日黑口黑面,收工即刻走人,佢仲恃住自己早幾年攞過視後,擺起阿姐款,教人做戲。亦可能太耐冇拍劇,幾句對白佢都記唔到,仲成日 NG,搞到劇組遲收工,有幕後因為咁向志偉呻過㖭!」

遮面

上周六( 19日),新劇在九展舉行首映禮,陳慧珊沒有跟大隊坐大台安排的小巴,反而獨自駕車到達。全程黑面的她,更一度用衫套遮樣。

九唔搭八

大會安排劇中女角與其少女版事前溝通好,希望她們會襯色襯款一齊行紅地氈。但陳慧珊呢一 pair,擺到明一啲都唔襯,明顯冇溝通過。

宣傳例牌冇影

拍劇時扮大牌都算喇,就連宣傳都唔願做。大台今次不容有失,所以落重本做宣傳,本月初( 8日)該劇於荷里活廣場舉行「起舞! Never Dance Alone」造勢活動,陳慧珊拒絕出席,其後大台再安排兩次的傳媒茶敍及飯局,她都無影。據知情人士透露:「搵佢宣傳真係難過登天,原本 PR嗰邊分組安排宣傳,李若彤同李麗珍一組,張慧儀同江欣燕一組;葉蘊儀就同袁潔瑩、陳慧珊一組。點知 call爆佢(陳慧珊)機都冇人聽,搵到佢嗰陣佢就話要返學唔得閒。有時即使連啲夜晚活動,佢都話要返學,邊個信呀!依家咪搞到亂曬,要安排葉蘊儀單拖宣傳囉!」一手促成該劇的曾志偉,對於陳慧珊的麻煩行為最初都隻眼開隻眼閉,「志偉係監製,平時唔會理呢啲嘢,但工作人員真係冇辦法,惟有搵佢出面。陳慧珊好堅持話冇時間宣傳,志偉都冇佢符,最後親自打俾佢老公,先𠱁掂佢去首映見人咋!知道佢咁難搞,志偉都話冇下次。」知情者說。

襯到絕

李若彤與張慧儀都非常配合大會,與她們的少女版襯到絕。身為劇中第一女主角的李若彤與少女版陳嘉寶同以紅色晚裝搶盡風頭,而張慧儀與賴慰玲則以長鬈髮襯深色長裙到場。

開心合照冇份

在首映禮的後台,志偉不時與李麗珍、李若彤及江欣燕等女主角合照。如此開心的時刻,唯獨陳慧珊冇份。

茶敍又唔到

4月 11日,志偉特別安排劇中女主角與傳媒作不公開的茶敍,就連極少戲份的袁潔瑩都抽空出席,陳慧珊繼續以返學為由缺席。

Hea爆現首映

上周六( 19日),大台為劇集舉行首映禮,包起成個九展 Emax戲院,安排演員行紅地氈,更特意安排七位女主角與各自的少女版一齊現身,造型上亦都互相配襯,唯獨陳慧珊以黃色西裝褸加花西褲行紅地氈,明顯與其少女版陳瀅的晚裝裙格格不入,此舉亦進一步辣㷫曾志偉與大台高層。首映後志偉拉大隊到長沙灣的大中華酒家慶功,台前幕後都俾面出席,陳慧珊當然繼續獨家村冇到

就該事件本刊記者致電曾志偉回應,一直未獲回覆。以大台的作風,陳慧珊如此不合作,令她再返大台拍劇的機會近乎零,相信未來她可以疊埋心水讀書了。

懶理 fans

上周六晚( 19日)首映禮後,陳慧珊已急急腳離開,繼續貫徹其不合作作風。雖然當時有大批 fans尾隨,但她一樣酷到爆。

得閒逛街

成日話唔得閒做宣傳的陳慧珊,不時被影到與囡囡及老公悠閒逛商場,而其打扮亦老土兼過時。

熟女埋堆

李若彤、李麗珍、江欣燕及葉蘊儀在首映禮後齊齊離開,乘坐大會安排的車去慶功。拍完呢套劇,呢幾位年紀相若的熟女都變成好友。

張慧儀熱情拜拜

為患心臟重病養子努力搵錢的張慧儀亦有去慶功宴,離開時更與台前幕後逐一擁抱道別。

李若彤醉酒飛吻

慶功宴至淩晨三時許才散 band,看似飲大兩杯的李若彤由友人扶實離開,上車前仲不停向其他人大送飛吻。

俾面派對

志偉搞慶功,除了該劇台前幕後都俾面,就連高層樂易玲及唔關事的戚美珍(右)都有出現,仲由頭玩到尾㖭!



鍾意就快D Share啦!