網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2014年4月3日 星期四

[壹週刊 1256] 錢作怪  30年同學穿櫃桶底 李妮勝訴 李妮,M1,




李妮勝訴後離開法院,表示這錢債糾紛結束後不想再為此事煩心。

探熱針

錢作怪  30年同學穿櫃桶底 李妮勝訴

唔熟唔食!九四年亞姐冠軍李妮,兩年前與相識 30載的中學同學合作做有機美容生意,卻遭對方穿櫃桶底,雙方要訴諸法庭;上週一( 3月 24日),灣仔區域法院判李妮勝訴,「錢冇咗唔緊要,感情傷害影響更深。」

冇咗四百萬

利用李妮的信任,涉案的張姓女子不單挪用公司款項,李妮以個人名義借出的錢,同樣財到光棍手,一去冇回頭,她損失逾四百萬。

「講真,冇咗嗰啲錢,我唔會冇飯食,朋友有困難講出嚟,幫到一定幫,我一直希望佢出嚟好好交代公司盤數,但佢一直逃避,仲要喺 facebook見佢周圍去玩,住大屋揸靚車,原來有幾個同學都係借咗錢俾佢冇還,我真係考慮咗好耐,先決定告佢。」

李妮的有機美容生意,遭同學穿櫃桶底搞到一鑊泡,幸好她已處理好這爛攤子。

李妮的張姓同學曾代表公司出席活動,更與嘉賓鍾楚紅合照。

講起眼濕濕

因財失義,三十年感情最終要對簿公堂。「佢唔肯面對我哋一班同學,連老師都勸我哋要公事公辦,行到呢一步,我唯有用公義,透過法庭判決俾佢知道應該點做人,見佢變成咁我都好難過,三十年感情,明明俾咗機會佢好好解決,錢冇咗可以賺過,感情冇咗‥‥‥唉!不過最心痛嘅時間都過咗,呢單官司都搞咗成年。」李妮眼泛淚光說。

據了解,法庭早已判李妮勝訴,對方必須要償還債項,但對方透過律師向法庭申請特別訴求,為此,上週一開庭,但當日張姓女子卻沒有出現。

對於老同學繼續逃避甚至不出庭應訊,李妮無奈之餘,只好奉勸老同學以後腳踏實地做人。

由於被告沒有出庭,法官決定延遲個半鐘開庭,李妮與友人到咖啡室消磨時間。

逃避出庭

「我其實好希望喺呢度(法庭)見到佢,可惜佢仍然採取逃避態度。」李妮說。

當天原定九時三十分開庭,但對方遲遲未有現身,法庭於是延至十一時再開庭,但最終無法與對方取得聯絡,法庭決定維持原判,張姓被告必須償還款項。

「佢輸咗自己嘅名聲,亦輸咗我哋一班同學嘅友誼。」李妮說。

差不多十一點,李妮離開咖啡室搭𨋢返回法庭。

李妮一一年就職,當選為博愛醫院的副主席,忙生意之餘亦忙公益。

一鋪清

九四年參選亞姐奪冠後,李妮曾參與亞視《我和春天有個約會》、《親子情未了》等多個劇集演出,○五年,與從事資訊科技業的陳姓加籍華商結婚,由於經常陪老公周圍飛傾生意,李妮亦開始學習從商,並積極參與公益;現為亞太婦女協會主席及博愛醫院副主席,也是海南省政協委員及肇慶政協委員。

一○年,李妮投資五百萬元,引入澳洲有機護膚品牌 VC Organic,做批發代理並開鋪做門市,豈料引狼入室,被張姓同學暗中挪用公款,最終要鬧上法庭,卅年感情,一鋪清。

結果,李妮結束 VC這個爛攤子,再成立源始有機公司繼續做有機美容護膚品生意。



鍾意就快D Share啦!