[壹週刊 1258] 鄭秀文 老貓燒鬚 鄭秀文,M1,

助手尾隨抽起裙尾，方便踩住 5吋高踭鞋的 Sammi走動，但佢依然企唔穩，正失去平衡向前仆之際，好在有湯唯香肩做人肉扶手，一額汗。

探熱針

鄭秀文　老貓燒鬚

本週日（四月十三日）舉行的「第三十三屆香港電影金像獎頒獎典禮」，《一代宗師》橫掃「最佳女主角」、「最佳導演」、「最佳電影」等十二個獎項，意料之內成為大贏家。反而最意料之外，是今屆有份角逐「最佳女主角」的鄭秀文，在古天樂陪同下以大露背晚裝行紅地毯，靚絕代價是腳踩五吋高踭鞋加舉步難行的魚尾裙，令身經百戰的 Sammi，入座期間一仆一碌，要借湯唯膊頭當扶手，再靠梁洛施出手借力，加埋兩個助手包抄扶實，先至安全坐低！

湯唯扶手

助手尾隨抽起裙尾，方便踩住 5吋高踭鞋的 Sammi走動，但佢依然企唔穩，正失去平衡向前仆之際，好在有湯唯香肩做人肉扶手，一額汗。

貝拉借力

差啲出醜， Sammi未知驚，見到 09年專程回港睇自己演唱會的 Isabella，又熱情向後打招呼，點知再次失去重心，助手扶唔切，好在 Isabella眼明手快，及時出手，捉實 Sammi。

Sammi滑溜玉背見得人，但「影後」怕醜，記者影唔夠一分鐘便閃人，之後大會安排「舊情人」古天樂做 Sammi人肉手挽，孖住行紅地毯。

轉移視線

從來唔會收埋大好身材的劉嘉玲，是夜陪老公梁朝偉行紅地毯，轉 feel玩透視腳，嘥料。

走漏眼

章子怡打扮密實，原本走光機會近乎零。但宣布她獲「最佳女主角」時，章子怡熊抱導演王家衞，不慎露出肉色打底內衣！

作反

老公丁子高上海公幹，修身略有成績的楊千嬅，著大露背益街坊，拍檔余文樂刻意展露誇張表情。

變幻球

著 deep V晚裝，冇辦法令心口加料的 Baby，最終以微波姿態奪得今屆「最佳衣著獎」。

鍾意就快D Share啦！

下一篇 》