掃呢頁CODE去手機

2014年4月15日 星期二

跌cup梁靖琪 唔信「臭蝦哥」爆粗問候PA 梁靖琪,熱門,臭蝦哥,




跌cup梁靖琪 唔信「臭蝦哥」爆粗問候PA

2014-04-15 18:14:00



攝影:藍文浩

劉浩龍、江若琳、鄭融同Juno麥浚龍等人今日下晝喺銅鑼灣出席美國護膚品牌主辦嘅一個繪畫慈善活動,佢哋聯同其他共41個名人藝人一共為綠色力量籌到50萬善款。劉浩龍話自己一向都冇繪畫天份,平時都係畫火柴人,不過都曾經有製過啲手工禮物送俾女友,仲話唔求對方讚整得靚,唔取笑自己已經好好喇咁話。

瘦咗兩個碼嘅梁靖琪(Toby)就一身貼身衫到場,日日做gym又瑜伽嘅佢話依家瘦到105磅,連胸都細咗兩cup。記者問佢係咪要迎接第二春?佢就話係為咗新劇做打女喎。

問到曾經同佢喺泳池「激戰」嘅老友「臭蝦哥」俾前無綫PA偽文豪爆料,話佢粗口「問候」人又嫌替身臭,梁靖琪就即刻回應話:「我唔信呢件事係真,同埋佢哋兩個人(吳卓羲與林峯)都回應過,我唔應該再講。但係一家人喺TVB咁耐,我唔信佢哋會用不雅說話去鬧人。」咁唔知吳卓羲有冇搵你訴苦呢?佢話:「冇喎,有聯絡不過冇講呢啲嘢。」

至於好耐冇喺香港工作嘅江若琳就話喺內地前後拍咗3、4個劇,雖然已經夠錢買個細單位俾自己住,不過就希望一次過儲夠錢買個大單位先同父母一齊住。佢又話:「我出名硬頸0架,依家想享受嚇自由生活先,你諗嚇,拍拖就要俾男朋友管,結婚後要俾老公管,生小朋友之後就一世都要睇住小朋友,所以要珍惜同屋企人住嘅時間。」



跌曬cup呀陰功豬豬



抱抱出爐金像女配角惠英紅



送個香吻



小紅是日仍然相當興奮



眾人聯同其他共41個名人藝人一共為綠色力量籌到50萬善款。



fashion嘅嘢,要向Juno學習學習。





鄭融同佢個ex…劉浩龍繼日前饑饉開幕禮後,今日又碰頭喇!



丁子高



鍾意就快D Share啦!