網頁

請重新LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2014年4月2日 星期三

[FACE 358] BB捱病 爭產 6年 出院頻撲 黃夏蕙影寫真沖喜 夏蕙,BKD_S,黃夏蕙,MF,




30/3

與胡百全所生的次女 Maggie(右)陪媽咪出院後即到灣仔大有商場餐廳醫肚,夏蕙 BB表示佢同 4仔 3女感情都 keep得好好,個個都好似朋友咁。

真面目

BB捱病 爭產 6年 出院頻撲 黃夏蕙影寫真沖喜

由夏蕙姨變 BB的黃夏蕙,上週四( 27日)突然暈倒急入灣仔律敦治醫院留醫,其間更誤傳死訊,嚇死 fans!經過「全城祝福」,夏蕙 BB於上週六( 29日)成功扭計出院,週日( 30日)仲化行妝接受本刊訪問,細數未完心願。

「初時以為自己禽流感,死啦,我仲有心事未了喎!我要攞番我應得嘅嘢(律師男友胡百全遺產)!𠵱家真係要著手搵法援去搞,我仲想攞到啲錢之後開間老人院,等老人家有個安樂嘅地方生活,唔使好似胡百全晚年咁。」夏蕙 BB更宣布即將於書展推出寫真,娛人娛己當沖喜!



其他影片: >>BB訴心聲










從來咩都肯扮嘅夏蕙 BB,上年就以美少女戰士造型受訪,仲即場跳 Gwiyomi。夏蕙 BB話其實自己都有底線,試過有次朋友叫佢扮兔女郎,夏蕙 BB死都唔制,「又要低胸,又要條裙好短,打出個 pat pat,有傷風化嘅我唔做㗎!」《蘋果日報》圖片

年屆 82歲的黃夏蕙(夏蕙 BB),近年多以騎呢造型現身,加上永遠大戲妝,一般 90後只會當夏蕙姨係笑話。「我只係做我想做嘅嘢,我唔介意人哋笑,但我無做啲傷害人嘅事,唔鍾意咪唔好睇囉!」

「攞番我應得啫!」

原於本月 29日開始一連兩晚,夏蕙 BB聯同其他大戲好友於北角新光戲院開騷,但上週四( 27日)夏蕙 BB在其經理人 Simon家中練習時突然暈倒,即被經理人送往律敦治醫院搶救。

「我一向血壓低,不過我又硬頸,唔去到頂唔順都唔食藥,咁嗰日低得滯咪暈咗囉。其實之前都試過一次,我都知道失救會救唔番,𠵱家知驚喇。」夏蕙 BB被送到醫院,由於之前曾返過大陸兼食過雞,夏蕙 BB一度被誤以為是禽流感,死到臨頭,夏蕙 BB決定的起心肝了埋件心事。

「人(前「男友」胡百全)都死咗咁耐,份遺囑一路都唔肯公開,咁點啫?啲錢係 hold起咗嘅,佢哋(胡的家人)用唔到,但就係唔俾我攞。我只係想攞番我應得啫!今次病完我真係要搵法援著手處理。好在我啲仔女都好乖,唔會過問、唔會迫我。」

曾經係胡百全二奶,跟對方生下 4仔 3女,可惜由 04年胡百全病倒住院開始,便被其長女申請禁制令,不讓夏蕙 BB探望,直至 08年 4月胡百全因病離世,黃夏蕙亦未能送男友最後一程。翌年黃夏蕙稱胡百全於 80年 9月立下契約,答應於其家族基金內,屬於胡百全的部分會分成 5份,其中 4份會連利息分給夏蕙 BB及其仔女,但遺產至今仍未到她手。現與老公潘炳烈租住沙頭角村屋的夏蕙 BB,生活簡樸,出入多以火車代步,八達通傍身。

29/3

已於三藩市定居的 Maggie,本來為撐媽咪夏蕙 BB演出而返港,卻變成了陪媽味出院兼覆診。

28/3

上週夏蕙 BB喺經理人 Simon屋企暈倒,之後被經理人送往律敦治醫院救治,留院期間經理人公開咗夏蕙 BB嘅素顏病床樣,勁多網民大讚夏蕙 BB皮膚靚,素顏都好見得人。

原定上週六、日舉行的「夏蕙 BB傾情夜」演唱會,為咗遷就有病在身的夏蕙 BB,會延至 7月 30、 31日演出。

「泳衣上面畫三點!」

雖然夏蕙 BB仍有心結未了,但她一樣遊戲人間, 82歲的她更將於今年書展推出個人自傳寫真。「本來上年已經想出,但係實在太忙無時間,今年應該可以。等我休養番好身體就開始搞,書展都預咗位畀我。書入面除咗會有我扮番其他𡃁模嘅 pose之外,我仲會寫番由我出世,喺廣州讀書時點樣坎坷,到之後初戀遇上胡百全同潘生(現任老公潘炳烈)等等。」

既然出寫真,三點式點會少得?「哈哈哈!會,喺泳衣上面畫三點我有自知之明,咁搞法嚇死人咩?我都係行搞笑路線,寫真呢啲插圖嚟啫,笑嚇咪算囉!本書我都唔係要嚟賺錢,到時我會將收益捐出去做慈善。」

即使已經 82歲,但出院翌日即接受訪問的夏蕙 BB仍然十分精靈,識講笑,仲話自己入院前「晚晚淩晨 3、 4點先返屋企」。爭產呢啲擺埋一邊先

老公

83年,夏蕙 BB跟有「香港賽車之父」之稱的潘炳烈註冊結婚,上週六夏蕙 BB出院,潘生亦親身駕車迎接。雖然是遲來的春天,但二人相當恩愛。

男友

夏蕙 BB跟出身名門,生前是名律師及行政、立法兩局非官守議員的胡百全育有 4子 3女,但由於胡本身有正室,夏蕙 BB一直只做「二奶」並冇名份。胡於 08年逝世,夏蕙 BB一房跟胡妻一房的爭產官司正式展開。夏蕙 BB曾經講過同胡百全係真心相愛,最愛亦只有胡百全。圖片

次女 Maggie返港住媽咪屋企,訪問當日夏蕙 BB先跟 2個愛女及一個契女飲茶,講起仔女,夏蕙 BB都一臉慈祥。

原來是美人

1933年出世的夏蕙 BB,原名黃蕙蓮,畢業於港島區女子名校庇理羅士女子中學,戰後曾在粵劇團及粵語電影演出, 51年搭上富商胡百全後漸漸息影,其間為胡百全生下 7名仔女; 82年才嫁給賽車手潘炳烈。

認識唔少圈中人的夏蕙 BB因經常出席藝人喪禮故被取笑係「殯儀之星」, 02年開始,夏蕙 BB多次以騎呢造形,於農曆新年與市民爭上「頭炷香」。其實後生時期的夏蕙 BB靚過𠵱家好多女星。

'49少女時代

16歲的夏蕙 BB真係靚到爆炸,大眼、清純,當年追求者眾。

'00曬事業線

00年夏蕙 BB以水著示人,雖然個樣都仲係大戲妝,不過夏蕙 BB嘅事業線原來又唔睇得小喎!《蘋果日報》圖片

'02甩假髮

夏蕙 BB去黃大仙同市民爭上「頭炷香」而險甩假髮,事後夏蕙 BB一笑置之。

'13玩 Cosplay

去年與魯芬 BB及余慕蓮一齊 cosplay,各有各特色囉!不過夏蕙 BB識著銀色厚底波鞋,起碼叫有啲潮流觸覺。



鍾意就快D Share啦!


Related Posts Plugin for WordPress, Blogger...