熱爆娛樂: [FACE 359] 人細膽大　兩週前送檢　 G.E.M.挑機唱六四禁歌 G.E.M.,G.E.M,鄧紫棋,MF,

2014年4月9日星期三

[FACE 359] 人細膽大　兩週前送檢　 G.E.M.挑機唱六四禁歌 G.E.M.,G.E.M,鄧紫棋,MF,

榮獲亞軍身價暴漲的 G.E.M.，週六（ 5日）經深圳機場回港，經理人張丹和唱片監製 Lupo擔擋左右護法突破粉絲重圍。

真面目

人細膽大　兩週前送檢　 G.E.M.挑機唱六四禁歌

微博由百五萬粉絲變一千萬，唔好睇小強國真人騷，年頭北上都仲係籍籍無名的 G.E.M.，全靠參加湖南衞視《我是歌手 2》，短短三個月爆紅成為內地小歌後！

上週五（ 4日），《我是歌手 2》決賽正式上演，染了一頭紅髮的 G.E.M.，大膽選唱六四禁歌〈一無所有〉令人嘩然。中國式歌唱比賽自有中國式審批制度，原唱崔健上春晚曾經被禁演唱〈一無所有〉，而 G.E.M.早於兩週前送檢卻破例「開綠燈」，反而在第 10集中， G.E.M.原先以反戰歌〈 Imagine〉作賽，卻被否決！

賽足三個月的《我是歌手 2》終於落幕，香港代表鄧紫棋雖然最後輸畀老將韓磊屈居亞軍，不過身價暴漲、粉絲幾何級數倍增，巡迴演唱會全國加場，淨係推咗的廣告同電影邀拍都過二千萬， G.E.M.一早賺凸！

三百中港粉絲接機，再加大批機場職員及遊客圍觀，短短一截上車路程， G.E.M.行足十五分鐘。

粉絲遊客萬人空巷失秩序，連機場職員海關亦舉機拍攝， G.E.M.在內地的人氣可見一斑。

春晚禁唱

決賽夜制度分兩部分，第一部分「幫幫唱」佔分 30%， G.E.M.請來方大同合作演繹汪峰名作〈春天裡〉，第二部分獨唱佔分 40%， G.E.M.則自選〈 We Will Rock You〉、〈一無所有〉及〈 We Are The Champions〉 medley。

小 rock女唱搖滾名曲唔出奇，不過中國搖滾之父崔健 1986年出品的〈一無所有〉，曾經因為 89年崔健親身在天安門為民運學生獻唱，而成為國內敏感歌曲。今年中央電視台春節晚會誠邀崔健演唱，都因為禁止獻唱〈一無所有〉，崔健不願妥協而拒上春晚。 89年六四民運， G.E.M.仍未出世，所以 22歲的 G.E.M.，選中〈一無所有〉出戰，確實令人意外。據知決賽前兩星期， G.E.M.提交〈一無所有〉曲目，廣電局卻順利批准。

G.E.M.在決賽夜獻唱搖滾 medley，歌單先在兩週前遞交，不過當局照樣批准其演唱〈一無所有〉。

春晚冇得唱，不過春晚前（去年 12月 1日）崔健來港出席 Clockenflap，就梗係可以唱首本名曲〈一無所有〉。《蘋果日報》圖片

「想向崔健致敬！」

因為參加《我是歌手 2》而在內地身價暴升，連巡迴演唱會亦連加十場，經理人張丹透露因此要推掉超過二十部電影邀拍，賺少二千萬人仔。

週一（ 6日）， G.E.M.經理人張丹自爆揀歌、練歌全程未受阻撓，不過內地節目獻唱前，要預早兩週遞上歌曲名單審批的制度就一直存在。「每集比賽我哋唱咩歌，不嬲都要兩週前遞畀電視台交去廣電總局審批，第十期（ 3月 14日）播出嘅節目，我哋本來打算唱 John Lennon嘅〈 Imagine〉，結果撞啱昆明火車站斬人事件，湖南衞視就建議我哋改歌，話覺得太敏感，但係態度都有禮貌唔係好強硬。反而今次唱〈一無所有〉冇話過唔適合，我同 G.E.M.都唔知呢首歌之前春晚唔畀唱。其實 G.E.M.揀佢都係想向崔健致敬，我哋仲真係聯絡咗崔健本人想合唱，不過個期夾唔到啫！」曾經叫梁振英加油被當「梁粉」，𠵱家又唱禁歌為民發聲，估你唔到喎， G.E.M.！