網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2014年4月9日 星期三

[FACE 359] 冇走過 《公屋潮文》勁 hit 解約港視 盧宛茵減價極速回巢 港視,盧宛茵,MF,




珀麗灣升咗好多喎!

盧宛茵演白鴿眼外母七情上面,見囡囡男友住公屋即黑面,對方住私樓即笑騎騎招呼周到,演技正到無倫。網上圖片

真面目

冇走過 《公屋潮文》勁 hit 解約港視 盧宛茵減價極速回巢

高登潮文改拍的短片《公屋.居屋.私樓》,盧宛茵( Madam Lo)飾演勢利未來外母入木三分熱爆網,高登仔忽然好關注 Madam有冇新搞作。

原來 Madam Lo上年曾高薪轉投港視,但因開台凍過水,醒目盧宛茵即時解約,寧願減騷錢都要解約回巢 TVB。輾輾轉轉人工低過以前,拍潮文短片又得幾千蚊,得不償失!

盧宛茵女兒曾因打人被捕,兒子何匡宇(右)則於 08年任記者時與編輯爭執被打爆鼻,盧宛茵陪兒子出庭,被告編輯被判監 3週或賠償,最終付 6千元代替監禁。《蘋果日報》圖片

61歲盧宛茵去年 1月毅然離開 TVB簽約港視,可惜只拍了一套和惠英紅合演的《我阿媽係黑玫瑰》後,便極速解約,寧願減人工回歸 TVB,在港視日子只不過 10個月。

唔使賠錢

據一位盧宛茵的好友透露:「嗰時港視出高薪挖 Madam㗎!但後來政府唔發牌, Madam好鍾意演戲嘛,冇得演寧願返 TVB啦,所以 11月就提前解約,佢仲同港視講,返 TVB要減騷錢㗎,但太鍾意演戲冇辦法,港視亦冇叫佢賠錢。」

盧宛茵返回 TVB後,即時拍新劇《香港心.香港情》,可是戲分唔多,跟主要演員胡諾言、姚子羚等都冇對手戲,同以往皇牌甘草待遇差天共地。

近日潮文短片令 Madam成為勢利外母人辦,但現實中她一手湊大兩仔一女,拍短片亦只是為幫朋友象徵式幾千蚊酬勞,點睇都唔似勢利阿媽嘅!

《香港心》做奀草

重返 TVB後即有劇拍,但 Madam(箭嘴)在新劇《香港心.香港情》中戲分卻不多,同以往多做主角阿媽角色差好遠。網上圖片

《黑玫瑰》冇得出街

盧宛茵去年初轉投港視,只拍了惠英紅主演的《我阿媽係黑玫瑰》一套劇,拍完未接到新工作便因港視無牌而斷約。《蘋果日報》圖片

《巨輪》最後出現

盧宛茵離開 TVB前最後一劇《巨輪》,在她任職港視期間播出,好多觀眾都沒留意她已離巢。

幾千蚊請鬱 Madam

雖然是網上短片,但有齊燈光、收音等製作,十足拍電影咁認真。

《公屋.居屋.私樓》潮文短片有幾十萬點擊,原來導演 Ronnie從事傳媒工作,最初想找葉德嫻或蕭芳芳來演,但兩人都非常難搵,最後經舊同學找到盧宛茵,車馬費得幾千蚊。

Ronnie稱:「盧宛茵係無懈可擊,熟讀曬劇本好少 NG;嚟緊我會拍套科幻短片,講喺一個時空裏面啲人係唔可以講嘢嘅,想搵盧海鵬演。」咦,好想睇喎!



鍾意就快D Share啦!