[FACE 362] Isabella少女時代 少女時代,梁洛施,Isabella,MF,

25歲三子之母 Isabella出席完記招，滾水淥腳上車返歸，不過趕得嚟仲識主動同 FBI打招呼，仲好 cute添！

FBI

Isabella少女時代

邊個話女人生完老得快？邊個話女人冇愛情滋潤唔會靚？一個梁洛施（ Isabella）就夠打破呢兩條慣例。前週五（ 18日），梁洛施同師傅詹瑞文一齊出席舞台劇《快樂勿語》記者會，就俾 FBI喺樓下見到做完記招嘅 Isabella跳跳紮上保姆車。係囉……咪就係跳跳紮囉！ 20歲做媽咪、 22歲已經生咗三個仔， Isabella雖然已經係三子之母，其實都係 25歲咋，都仲跳跳紮得起，對住 FBI擺個 V字手勢，真係同韓國少女天團少女時代成員有得揮！所以話，有仔都係趁嫩生好，早啲生早啲 keep吖嘛。

開完記招，師傅詹瑞文單拖走人，反而徒弟 Isabella大陣仗，男女助手加公關，四人前呼後擁送上車。

工作完畢一支箭返南灣嘉麟閣寓所， Isabella係唔係趕住同三個仔視像電話呢？

鍾意就快D Share啦！

下一篇 》