網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2014年4月9日 星期三

坐紅Van落旺角谷戲 小紅JM唔怕亂:好耐冇畀人摸 JM,文詠珊,




坐紅Van落旺角谷戲 小紅JM唔怕亂:好耐冇畀人摸

2014-04-08 22:34:00



《紅Van》首映,JM低胸上陣冇有怕!攝影:黃偉雄

由陳果執導嘅電影《那夜淩晨……我坐上了旺角開往大埔的紅Van》,今晚喺旺角一間戲院舉行首映,戲中演員任達華﹑惠英紅(小紅)﹑Shine﹑文詠珊(JM)﹑卓韻芝及李璨琛,坐住紅Van到戲院,吸引唔少市民圍觀,由於地方甚迫,佢哋落車時有啲混亂,眾人又拋禮畀市民。

陳果表示希望新戲票房大賣,可以快啲開part2,對於陳果話開part2,任達華就話:「大家睇會好有共鳴,好地道一套電影,希望盡快開,大家有感情。」咁會否減片酬?佢笑言:「呢套已經減咗好多,佢(指陳果)好有誠意,票房好就減辣,第一集大家都減到好辣。」

至於小紅同JM被問到喺旺角出席首映,怕唔怕場面混亂?小紅笑言用Sticker黐住,JM就話好安全,見到個V字唔驚,反而係怕見到膠紙喎。

問到人多擠迫,怕唔怕畀人摸?小紅笑言:「好耐冇畀人摸,有人摸就俾面。」JM則說:「我都好耐冇畀人摸。」佢話呢排摸佢嘅係男按摩師,佢笑言:「我好鍾意畀人按腳,都幾變態,鍾意好大力,我自己好受力,一星期按足五日都得。」

講到係咪減片酬演出?小紅話同監製及老闆好friend,咁係咪一封利是?小紅表示:「三分一(片酬),已經講明就一齊投資,自己嗰份擺返落去,咁樣仲好玩,唔怕超支超時。」JM就話係友情價,佢亦有興趣投資:「講好咗0架,冇得唔侵小女都想試下做老闆。」



一班演員真係由紅Van帶到場0架!





小紅都一身花花look到場。



低胸加長腿,殺曬









Shine夾實中年男...呀...唔係,係飾演中年男嘅任達華。





鍾意就快D Share啦!