網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2014年5月16日 星期五

[忽然1周 981] 飛甩羅康瑞  39歲向海嵐 D奶回歸 羅康瑞,向海嵐,BKD_S,MW,




騷胸曬腿

向海嵐為今次任代言人搏到盡,低胸上陣兼大曬長腿, 39歲仲散發著青春氣息。

娛樂喧

飛甩羅康瑞  39歲向海嵐 D奶回歸

中女復出熱潮勢不可擋,一班凍齡魔女輪流上場,近日連移居上海,一直幫羅康瑞打工做 OL的向海嵐,亦食正熱潮回歸。

今年踏入 4字頭的向海嵐,回流香港即狂吸金,最近更擔任美容院代言人,拋 D奶 sell白滑美肌,話咁易執近百萬。對於時下膠樣中女當道,向海嵐坦言:「我好怕後天加工,整容咪預我!」











向海嵐和朱玲玲是慧妍雅集的委員而成為好朋友, 08年向海嵐失意幕前,投靠朱玲玲老公羅康瑞公司旗下,擔任公關職務。

98年四料冠軍港姐向海嵐,曾受大台力捧做女一,但 08年臨離開大台前,她已由女一淪為辦公室活動布景板,箇中滋味不足外人道。向海嵐日前在電話對本刊說:「我試過四個月冇工開,當時好迷失,唔知自己有咩唔妥。最後同公司傾,佢哋就安排我做一套新劇,仲話因為係我,所以已經加多咗劇情同俾多啲機會我發揮。不過,當我接咗套劇之後,先知個角色係做一個公司高層,開會我要坐喺度,其實唔係一個好有發揮嘅角色,只係公司啲普通職員咁樣。」

投靠朱玲玲

遭娘家投閒置散, 08年身為慧妍雅集會長的向海嵐,前路茫茫。幸好得名譽會長朱玲玲賞識,才決定退出幕前,隻身北上為朱玲玲老公羅康瑞的上海新天地做公關。「當時做到樽頸位,覺得公司( TVB)再幫唔到我進步,既然同佢哋方向有唔同,咁啱有機會可以去做第二啲嘢,咪決定試嚇。其實當時身邊好多朋友都叫我諗清楚,始終一個女仔去到咁遠地方,好彩 Loletta(朱玲玲)同 Vincent(羅康瑞)教我好多嘢,我先慢慢適應到。其實喺瑞安做咗 4年幾,當中都有滿足感。不過始終自己鍾意做幕前多啲,所以決定返香港,先接廣告,如果有機會都會拍劇。 Loletta都話好支持我嘅決定。(如果娘家搵你,今時今日你會唔會考慮?)冇問題,不過真係要睇咗劇本先!」

狀態不俗

雖然退隱娛圈 6年,向海嵐早前返港拍廣告,一日踩足 8粒鐘,依然冇疲態。

向海嵐以往出席公開活動都打扮密實,反而好友陳法蓉(右)衣著較有睇頭。

代言照派奶

向海嵐復出第一炮便為美容院拍攝硬照廣告,以往包得密密實實的她,在廣告中罕有穿上 deep V裙豪派 D奶。現場所見,今年邁向四十大關的 Anne依然保養得宜,樣貌冇乜變,身材亦無走樣。「喺上海嗰幾年,因為霧霾嚴重,空氣好差,皮膚都差咗啲。不過我每日飲起碼兩公升水,同埋 keep住每個星期有一日食齋,令身體有機會排嚇毒,所以皮膚好快變番白。其實我鍾意食零食,但磅數就一直冇乜變,可能我唔多食正餐啩!」自言崇尚天然的向海嵐,對於時下中女打針削骨變膠臉,她坦言「有時見到啲人係就係冇乜皺紋,但講嘢嘴鬱面唔鬱,我寧願要自然啲,況且我好怕後天加工。打針整容咪預我。」

自揭冇拖拍

當日廣告商為向海嵐準備一襲低胸婚紗,雖然鏡頭前幸福甜笑,卻自爆冇拖拍。「係有人追,不過冇乜感覺,所以做住宅女先」

向海嵐換了五套衫,全部由廣告老闆為她親自挑選。對於搵向海嵐做代言,老闆娘表示:「估唔到佢身形仲咁 fit!」

自從 05年與任職 M8娛樂高層的男友盧耀威分手後,向海嵐冇拍拖長達十年,近年都是搵愛犬做伴。

同屆亞軍趙翠儀和季軍吳文忻早已埋街食井水搵到好老公,相反四料冠軍向海嵐,仍未有真命天子出現。

賣匡湖居應急

向海嵐 1998年參加香港小姐獲四料冠軍而入行,電視劇集代表作有《楊貴妃》、《無頭東宮》和《胭脂水粉》等。後來因為被大台投閒置散,更試過四個月冇工開,要賣匡湖居應急,套現千二萬。最後決定移居上海工作,放棄幕前。

2002年向海嵐在《無頭東宮》擔任女主角,奸妃一角演技受到讚賞和認同,事業攀上高峰。

07年向海嵐拍大台劇《建築有情天》只做三線配角,終令她萌去意。

凍齡女回歸

除了向海嵐回歸,近排一眾凍齡美女亦強勢出擊,引起熱話。

周海媚: 47歲

周海媚早前上載了她在《武則天》劇中的造型,上圍逼爆的她令一眾網民大讚性感。

李若彤: 46歲

因出塵脫俗的氣質被譽為「最經典小龍女」的李若彤,在大台劇被一致認定是保養最好、身形最 fit的一位。

萬綺雯: 43歲

亞視出身的萬綺雯(蚊蚊)今年 43歲,但擁有一張娃娃臉及 42吋長腿,引死唔少老中青。



鍾意就快D Share啦!