熱爆娛樂: [忽然1周 981] 楊思琦老嫩通殺思琦,楊思琦,MW,

2014年5月16日星期五

[忽然1周 981] 楊思琦老嫩通殺思琦,楊思琦,MW,

雖然母親節要開工，但楊思琦就話已提早咗同媽媽慶祝，活動後又會趕回家陪囡囡。

媽咪姐

楊思琦老嫩通殺

先排有人話楊思琦因為未婚媽咪形象差，搞到大台要減佢人工先續約，不過媽咪姐發現佢都吸納到一批媽咪 fans喎。

周日（ 11日），楊思琦應《忽然 1周》邀請，出席母親節「完美好媽媽」午宴。著咗一身透視裝戰鬥格到場嘅佢，唔單止上台玩遊戲，見到 BB同小朋友，仲飛撲埋去撩佢哋玩。現場有好多唔同年紀嘅媽咪級 fans爭住同佢影合照，搞到行兩步就要停一停，幾咁忙呀！

思琦一見到小朋友就會主動走埋去撩佢哋玩，母愛氾濫。

依家每日除咗要好好照顧囡囡日常起居外，楊思琦希望有更多新工作湧現，目的係令囡囡生活有更好嘅保障。

當日陳穎妍上台唱歌都有板有眼，佢仲帶埋媽咪嚟，一齊慶祝母親節㖭。

同場仲有範振鋒李思欣呢對夫妻檔，玩遊戲時除即場做白老鼠試食外，又大展歌喉合唱咗首〈紀念日〉。離開大台自食其力嘅李思欣，泊到老公範振鋒呢個大碼頭，咪仲好過喺大台做三線姐仔。而呢場小型演唱會仲有一個特別嘉賓，就係陳穎妍。佢自從過檔王維基拍過套劇做女主角之後，就慘遭停產。不過媽咪姐嗰日見佢都 keep得唔錯，著住條白色短裙仔上台唱歌，都有唔少 fans支持。