網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2014年5月23日 星期五

[忽然1周 982] 5個月減 30磅  53歲鄧浩光谷肌爆 seed 鄧浩光,MW,




娛樂喧

5個月減 30磅  53歲鄧浩光谷肌爆 seed

影帝張家輝為拍《激戰》勁谷八嚿腹肌,帶起中佬操肌熱潮,連飛魚方力申近日都加入「爆肌男」行列。今年 53歲第一代飛魚王子鄧浩光,早前亦用了 5個月成功減 30磅,由 176磅減到 146磅,最終獲老闆顏福偉睇中拍「活絡油」廣告,將 fit爆身段公諸同好。

鄧浩光十年前退出娛圈轉做市場部經理,結婚後變典型住家男,買餸下廚兼湊女。今次的起心肝操弗,全因女兒嫌他身形走樣。積極操弗後,囡囡都大讚︰「嘩! Daddy好似 superman!」有女萬事足,鄧浩光愛女之情溢於言表。





鄧浩光 04年轉行,跟隨顏福偉成為白花油的市場部經理。過了十年朝九晚五的文職生活,除了為他帶來九歲女兒 Adrienne之外,更換來一副中佬身形。身高約 5呎 9吋的他,高峰時達 176磅。

「同囡囡遊水時,佢話我身形同以前唔同咗,又話我以前真係好 fit。我心諗即係我依家唔 fit喇!囡囡都講咗年幾,我終於的起心肝去減。最初四個月瘦咗廿磅,到決定要拍廣告時,再去盡啲,一個月內地獄式再減多十磅。廣告出街後,囡囡同我講:『嘩! Daddy,你好犀利呀,好似 superman咁喎!』我個心甜曬!」鄧浩光說。

多年來都傳鄧浩光與老闆顏福偉(左)感情「深厚」,早前兩人和朱玲玲打波,鄧浩光不經意凸微腩。

鄧浩光與伍詠薇在《街市的童話》飾演情侶,是鄧浩光在大台最後一個劇集。

照鏡睇成果

曾是香港第一代飛魚的鄧浩光,完成地獄式減肥,全靠運動員的意志力。他自任教練又自訂餐單,連續五個月的早午餐只是食穀物及蔬菜,晚餐食量亦減半。他的秘訣是,無論幾悶都好,減肥時都一定要保持愉快心情。

「其實一定要貪靚先會有動力去減,要同自己嘅肌肉談戀愛,同自己嘅 body溝通,咁你見到有成績自然會開心。仲要成日照鏡,身體先會配合,我睇成果係睇身形靚唔靚,唔係睇尺寸。以前大家只識睇女人點減、點靚,依家掀起男士都要 fit嘅風氣,係件好事。」

辦公室運動

鄧浩光示範,將垃圾桶放在座椅正前方,然後用雙手支撐,雙腳伸直左右擺動繞過垃圾桶,每日做三次,每次 20下,喺辦公室都減到肚腩。

重物當啞鈴

鄧浩光利用會議室內的獎盃當啞鈴用,每日三次,每次 20下,可練老鼠仔。他表示可用紙鎮或膠紙座代替。

以囡囡行先

現時弗爆的鄧浩光,獲不少廣告商垂青,想找他做代言人。他只要求代言的廣告健康及正面,「初步傾緊,仲未落實,要公司批准先可以拍。我唔抗拒拍瘦身廣告,但一定要唔可以影響我現在的生活及工作,又要確保我有時間陪家人及囡囡。我依家係住家男人,星期六、日會買餸煮飯,要陪囡囡。」

鄧浩光提及女兒 Adrienne時,粗獷的他面帶靦覥笑容,自言是「 yes man Daddy」。「我唔係怪獸家長,同囡囡係朋友式相處,我冇迫佢要好似我咁遊水好叻。佢鍾意跳舞,我就俾佢跳舞,總之每晚見嚇佢傾嚇偈,星期六、日陪佢行嚇街,我已經好滿足。」

爆肌男都被女兒收服,怪不得有人話女兒是父親的前世情人

鄧浩光不時帶女兒 Adrienne旅行,每星期又會有 family day。因為女兒遊水時笑他身形欠佳,才令他下決心減肥。

搣脂 30磅餐單

藜麥是穀類植物,用作肉類的代替品。

鄧浩光自度的減肥餐單,四個月減去 20磅,最後一個月晚飯升級為「地獄晚餐」,再減多 10磅。此外他每星期做 3至 6日健身,每次兩小時,包括 45分鐘跑步。

早餐:一碗藜麥( Quinoa)加一份半水煮十分鐘,可以加少許生果

午餐:一碟蔬菜沙律(偶爾加入兩塊雞胸片)

晚餐:住家餸菜(分量為平時的一半)

地獄晚餐:

星期一至五:兩塊雞胸(少油乾煎,可加少許鹽)

星期六及日:住家餸菜(分量為平時的一半)

*肚餓時,鄧浩光建議可飲水或食兩、三粒提子或半隻香蕉。

爆肌鬥士

53歲

和張家輝相比,鄧浩光講「肌」並唔輸蝕,甚至冇張家輝望落咁乾。

潮流興「爆肌男」,而這班身形極 fit的男士,更遍布各個年齡層。

方力申: 34歲

00年曾代表香港參加奧運的方力申,近日因拍廣告而操 fit,身形 keep爆。

張家輝: 46歲

去年因拍電影《激戰》的張家輝,操肌期間更要戒吃鹽、油及澱粉質,每日更要吃廿至三十隻雞蛋增加體內蛋白質。

甄子丹: 50歲

甄子丹多年來身材一樣甚 fit,去年更曾拍內褲廣告,展示一身勻稱肌肉。



鍾意就快D Share啦!