掃呢頁CODE去手機

2014年5月23日 星期五

[忽然1周 982] 林小明放生江若琳 林小明,江若琳,MW,




媽咪姐

林小明放生江若琳

上月,江若琳同林小明因為合約糾紛隔空開火。江堅稱自己入行十年一個仙都冇落袋,決意唔再續約寰宇,但寰宇老闆林小明就話公司有優先續約權,強調唔會放生對方,仲寸佢扮可憐博同情。合約其實喺 5月 2日到期,係時候有個了結。

態度強硬嘅林小明,一直認為單方面簽約可以綁死一個藝人,不過佢喺合約到期前,竟然冇正式簽署任何一份文件。換句話說,林小明經已決定放生江若琳,雙方再唔係賓主關係。

據知重獲自由嘅江若琳,趁呢段敏感時期休息一個月,希望事件淡化後,再出山𢱑撈。聽講現時有唔少經理人公司向佢敲門,不過佢瀨過嘢知驚,暫時唔敢再簽約,自由身一段時間喎!媽咪姐就呢件事搵過江若琳,不過未有回覆。

化妝慶自由

事件愈鬧愈大,江若琳一直匿喺屋企避見傳媒。不過佢一得悉獲放生,嗱嗱聲化番個靚妝,放相上微博。佢仲留言話,自己興致勃勃,心情好好喎!

十年約完結

江若琳同林小明合作咗十年,家陣合約正式完結,冇曬瓜葛。其實娛樂圈好細,完約咪完約,何須搞到個局面咁僵。

寫詩喻自強

俾合約糾紛搞到周身傷,江若琳早前喺微博就引用印度詩人哲學家泰戈爾嘅名句,寓意要自強不息。



鍾意就快D Share啦!