2014年5月30日 星期五

[忽然1周 983] 熟女畫作露底 江欣燕再婚恐懼 江欣燕,BKD_S,MW,




江欣燕自與吳積遜離婚後,感情生活多姿多采,復原能力超乎想像。先被揭偷會細十年嫩男,繼後又夜會熟男李健達,左右逢源。

娛樂喧

熟女畫作露底 江欣燕再婚恐懼

做善事有樣睇,即使年屆半百熟女,做完善事都份外省鏡。近日有慈善機構舉辦公益藝術展,邀請中港澳明星自創藝術作品,當中熟女江欣燕、袁潔瑩和嘟姐都有捐出自家作品。本身有畫畫功底嘅江欣燕,今次畫了一幅「黃金女神」出嚟拍賣。臨牀心理學家李寶能,憑畫揭示江欣燕渴望有人管住,但又怕再次面對感情失敗的內心世界。離婚後的江欣燕,早前被影到連番約會花𡃁熟男,但第二春能否結果?就要睇欣欣可唔可以衝破心理關口。







由國際慈善機構 Free the Children舉辦的公益藝術展,下周四( 6月 5日)舉行。機構在香港並冇辦事處,負責搵本地明星的重責,就落喺練到鬼咁大隻嘅方力申身上。方表示:「我一手一腳聯絡咗 30個藝人,叫佢哋捐畫或者物品出嚟拍賣。最深刻係等成龍,嗰晚佢 60大壽,我就喺 party場地等足六個鐘。因為我 keep緊 fit,冇嘢落肚淨係飲咗杯水,最後等到洪天明帶我見成龍,好辛苦先攞到佢張簽名相。」

熟女多負評

今次慈善拍賣,只有林子祥的「 Amaze Inc」鉛筆畫有 1萬元底價,其他作品均冇提出底價。至於籌得善款,扣除成本會捐到第三世界國家,救助當地的兒童。在方力申收集的畫作中,熟女剩女畫家佔半數,當中包括中女俱樂部的江欣燕和袁潔瑩。另外,嘟姐鄭裕玲和佘詩曼亦有捐出作品。其中江欣燕的「黃金女神」作品,據臨牀心理學家李寶能分析,揭示她渴望愛情,卻有很多憂慮。至於其他剩女,除袁潔瑩得到李寶能的正評外,其他統統獲負評,內心空虛寂寞又好凍,一個字,慘!

渴望愛情

李寶能:「畫中人有點奸詐,暗示作者高人一等,自以為是,認為一切會如佢所料,看似洞悉世事,渴望愛情,但就有好多憂慮。」

江欣燕《黃金女神》

充滿鬥心

袁潔瑩情路上波折重重,與同姓密友阮嘉欣分手後,至今感情未有著落。想不到出自她手的作品就如小朋友一樣天真無邪,完全不像一個有經歷的人。

李寶能:「畫中的小朋友蠱惑調皮,顯示出作者對人生有期待。『幼稚天真』只係分手後感情一直未有著落。其實作者係一個充滿鬥心,咩都會嘗試同挑戰嘅人。」

袁潔瑩《怪物小王子》

表裏不一

嘟姐表面是一個鐵娘子,做司儀淡定出色就人所共知,但情路上卻未有結果,是否硬朗的性格把男人統統嚇走?

李寶能:「畫作唔清晰之中又帶點線條,揭示作者為人表裏不一,外剛內柔。表面嘅剛其實只係得個樣,容易令身邊人應付不來。作者憧憬細水長流,一直盼望有一個懂欣賞佢嘅人,但暫時呢刻都未等到。」無論幾多歲,女人都想有人錫嘅!

鄭裕玲《一•起》

得罪人多

阿佘一向予人「蒲精」形象,感情亦一直未有著落,近排只專注拍劇,閒時作畫,對拍拖結婚顯得一點也不擔心。

李寶能:「作者為人貪心,且處事有心計,識利用身邊嘅人,容易傷害或得罪了人自己都唔知。」估唔到面面俱圓的阿佘,內心世界原來咁出人意表!

佘詩曼《孔雀族人》

情緒受困

行動大使方力申負責統籌整個藝術展,身為女友的 Stephy當然力撐到底,出盡力又拼圖又畫畫,相當有心思。

李寶能:「作者曾經歷過人性最陰暗遭遇,睇到好多人嘅假面同笑裏藏刀,導致自己處於痛苦狀態,返唔到轉頭,佢想追求表裏一致的人。」講到咁恐怖,咁方力申真係要呵多幾下

出力撐

鄧麗欣《來自星星的蒙娜麗莎》

毫無主見

已經榮升外公的林子祥,生活可謂幸福美滿,但卻親手畫了一幅複雜難明的迷宮圖,更是唯一一位為畫作開出底價(一萬元)的藝人。

李寶能:「作者精神狀態複雜,危機大,容易陷入迷思。而且作者冇主見嘅性格,容易令身邊人辛苦。」莫非有老年危機?

林子祥《 Amaze Inc》

另類選擇 大哥最 hea

除藝人畫作,部分藝人亦捐出自拍照片同服飾,不過方力申等足六個鐘辛苦得來的成龍大哥照片,原來只係一張大哥朋友所養的狗狗,再加簽名的照片, hea咗啲喎!

成龍《 Jackie’ s Chow Chow》

成龍僅在一張平平無奇的狗照片上簽上他的大名,就變成他的大作了!

最有深度 鄭中基《 Little White Flower》

一向對攝影都頗有研究的鄭中基,呈上的照片可算是質素之作,讓人有點難以捉摸的感覺。

最型格 杜德偉《 The Ebony Rider》

杜德偉捐出由他親自設計的皮褸作募捐,型格得來又有霸氣!



鍾意就快D Share啦!
Related Posts Plugin for WordPress, Blogger...