熱爆娛樂: [壹週刊 1260] 55歲艾威全裸求活路艾威,BKD

2014年5月1日星期四

[壹週刊 1260] 55歲艾威全裸求活路艾威,BKD_S,M1,

探熱針

55歲艾威全裸求活路

政府不斷搬龍門，不但逼到王維基要將港視轉型做網台，也令一眾跳槽過檔藝員前路茫茫，當中包括已經五十五歲的艾威。

不過天無絕人之路，多得一眾圈中好友力撐，艾威有機會登上大銀幕拍恐怖片，更全裸露股演出。

由港視烈士變身光豬壯士，只求一條活路。

其他影片： >>55歲艾威全裸求生　樹葉遮陰做股神 >>半百艾威收身秘技　 14日減 6磅 >>成龍哥哥偉仔梁家輝　你愛邊隻股？

減六磅做股神

做了三十五年電視人，早前艾威宣布走投無路，唔願打無綫「愛回家」熱線，幸得到多個圈中好友相救，一口氣接了四部電影、舞台劇以及為網上電台做主持。

絕處逢生，艾威一於去到盡！「股」起勇氣，以五十有五超越半百之齡，全裸上陣接拍葉天行執導的驚慄片《陰陽大酒店》。有飯開，標尾會做「股神」的艾威唔想鬆皮示眾，找來曾在電影《殭屍》全裸演出的老友錢小豪，請教在最短時間內變「股巨肌」。年紀有番咁上下，但在艾威勤力狂操下，半個月內成功減走六磅肥膏，將豬腩變成兩嚿小腹肌，算交到功課。

全裸前，艾威喺拍攝現場作最後衝刺，狂做掌上壓谷肌。

為配合劇情，化妝師在全裸的艾威身上畫符。 55歲的艾威唔單只操到兩嚿腹肌，仲幾皮光肉滑。

全裸上陣準備期間，路過的同片演員泰臣見光豬艾威只用幾塊樹葉「遮陰」，即抵死叫人攞盆桔嚟幫佢遮住。問艾威點解連膠紙打底都唔使，佢話：「決定咗就豁出去！」

導演葉天行跟艾威早已認識，但今鋪卻是第一次合作。對他的演技及敢作敢為大表欣賞。

話剝就剝

今個月初，電影遠赴馬來西亞取景，電影男女主角是周柏豪及連詩雅，但艾威拍攝露股場面的對手是泰臣。

為讓化妝師在身上畫符，他埋位前向化妝師拋下一句：「這是我第一次，為藝術犧牲。」講完即剝去身上唯一短褲，連「遮陰」膠紙都懶得黐，只隨手在地上執幾塊樹葉遮住「小艾威」，便任由化妝師畫，至於身處現場睇曬艾威「全相」的臨時女演員，因為太尷尬，自動離場。

當眾剝清光，對於自己的狀態，艾威話勉強收貨。「如果唔係操到傷咗隻腳，俾多一個星期我，身形會仲好啲。（緊唔緊張？）冇乜特別，涼啲咁囉！始終都係第一次，但年紀就大咗少少，（覺得太遲？） Never too late!」

埋位前一晚，要 keep住身形的他忍口唔食肉，狂隊五碟素充飢。

為咗呢次半百下海，只得半個月時間減肥的艾威，搵錢小豪練拳兼跑步減去六磅。

身為港視烈士的艾威被迫打爛飯碗，故一有開飯機會，專業的他一於搏到盡。

對於艾威求活剝光豬，王維基為佢打氣：「我好佩服佢呢次突破，佢係專業演員，我信佢事前一定操到好 fit，期待佢嘅演出。」

冇顧慮

艾威全裸有心唔怕遲，至於剛拍完《 3D豪情》，見盡全裸 AV女的泰臣，亦忍不住口花花。「嘩！威哥你咁樣，我哋做後輩好有壓力。不過《豪情》睇囡囡，依家就睇囝囝，各有風味！」

五十五歲全裸出鏡，為生活，艾威豁出去。

「呢兩年我經歷人生好多個第一次。第一次跳槽、遊行、不獲續約之類，又遇到人生好多唔合理嘅事。覺得做人真係掌握唔到太多嘢，所以就唔好顧慮咁多，叫我剝咪剝，豁出去。」艾威說。