掃呢頁CODE去手機

2014年5月1日 星期四

[壹週刊 1260] 屎橋出爐 逼爆粗講波 農夫劈炮拒自殺 BKD_S,M1,




探熱針

屎橋出爐 逼爆粗講波 農夫劈炮拒自殺

無綫用四億購入「世界盃」播映權,投資四千萬做節目製作,又大鑼大鼓用上半百藝人力谷,上月在影視博覽展中,更公告以組合農夫、盧覓雪及泰臣組成「低俗講波團」,講爛 gag鹹嘢吸廣告客。不容有失,無綫高層再加料,落定 order要求主持人要在節目爆粗!不過,身為兒童節目主持兼兩女之父的陸永率先反抗,其餘幾位主持亦覺此舉無謂兼有損個人形象,齊齊劈炮唔撈。











抄有線舊橋

講波三年,有一班忠實 fan屎的大埔 Lu Lu,因為人氣夠,今屆都有機會在 TVB講波。

無綫照辦煮碗,將四年前有線爆粗講世界盃舊橋,搬到收費 19台的「低俗講波團」,再玩一次!但原來低俗等同粗口,一班主持人包括已經拍了宣傳片的組合農夫,突然接到指令,要在節目發揮「港粹」,大講粗口。

「初時諗住所謂嘅低俗都係講嚇 cheap嘢鹹濕嘢,當搞嚇氣氛冇所謂,點知高層話一定要大家對住鏡頭真爆粗,連做評述講波都話要夾啲粗口,呢種非人要求,陸永第一個唔接受,佢而家喺 TVB做緊兒童節目,自己仲有兩個女,要喺節目爆粗,佢真係過唔到!所以陸永求其搵咗個藉口話唔玩,其他幾個主持見唔對路,都跟住話唔撈。明嘅,咁搞法,無曬啲大品牌客,等於自斷米路。」知情者說。

抽𡃁模水

主持唔願爆粗玩縮沙,製作部唯有臨急搵其他公司藝人補位,但有樂大媽易玲把關,經理人部門拒絕配合,以有損形象做擋箭牌,遲遲唔願交人。

「爆粗條橋係 Sandy(余詠珊)嗰邊頭馬度出嚟,聽見農夫佢哋幾個唔肯做,咪搵番自己友囉!應該有過搵阿 Bob同李思捷,除咗講粗口,仲要佢哋對啲𡃁模抽水,總之最緊要啱啲波友口味喎!咁搞法,樂小姐梗係落閘啦,撇開佢同 Sandy啲恩怨,啲藝人玩到咁核突,跟住仲有客會搵佢哋做代言出活動?所以樂小姐一直唔肯放人出嚟,而家仲拉鋸緊。」

據了解,無綫的如意算盤本來是找杜汶澤和彭浩翔兩大低俗始祖做主持,希望碌二人的人情咭請嘉賓上節目,慳水慳力,不過你精杜汶澤和彭浩翔更加唔呆,開出天價酬勞,即時打窒無綫。

距離世界盃開波唔夠兩個月,無綫急,除撬 Keyman(馬啟仁)過檔外,就連出身 NOW台的「燈神」講波妹大埔 LuLu都唔放過。

近期無綫人氣孖寶洪永成跟陳展鵬,當然要力撐出席記者會幫手谷宣傳。

奪播映權後,無綫早在去年已經開始宣傳,搵全台藝員拍片,連 75歲行動不便的夏萍(箭嘴)都要企足幾粒鐘齊齊捱。

據知到巴西講波的藝人每個使費四十萬,由於資源有限,有份出席谷宣傳的沈卓盈、葉翠翠和馬賽冇得去,一直被 TVB錫住的苟芸慧就有份。

阿 Bob跟李思捷雖然好講得,不過都拒絕在節目中爆粗。

獨家𤓓事

無綫大台人多好辦事!四年前的世界盃雖然沒有獨家播映權,卻出動全台藝人輪住上節目撐場,個個缺足球知識頻出錯,自暴其短被網民鬧爆。

由至叻的陳百祥帶住一班雜牌軍在節目中講波,錯漏百出外,張國強更在節目中大講不文,語帶雙關指黃婉曼「好波」。失禮!

搵有樣有身材的周秀娜著比堅尼熱褲 lead住一班𡃁模坐鎮節目講波,九唔搭八。

大講不文

唔識都講



鍾意就快D Share啦!