掃呢頁CODE去手機

2014年5月15日 星期四

[壹週刊 1262] 甄子丹 宇宙價收唔番 黃百鳴大頭痕 子丹,黃百鳴,甄子丹,M1,




下午茶時間,黃百鳴唔去 high tea,選擇去沖涼揼骨。

同你吟一吟

宇宙價收唔番 黃百鳴大頭痕

懶做運動,例如八珍,定時定候要瞓低俾人按摩推拿,久而久之,亦會由怕痛變骨精。

有揼骨癮,唔做唔舒服。早排《壹》仔見到黃百鳴一支公走咗去灣仔嘅加勒比海桑拿沖涼揼骨,鬆一鬆。話時話,八珍聽二五講,已經拍板會開《葉問 3》,兼且係第一個願意俾四千萬人仔片酬甄子丹嘅黃百鳴,而家有得震,冇得瞓!事關宇宙啱啱部《冰封俠》喺內地只係收得億四人仔,仲有第二集都未上,投資隨時蝕入肉。《冰封俠》嘅成績,點都會影響到甄子丹嚟緊嗰啲戲嘅票房。

黃百鳴開《 3D葉問》,投資要億億聲,見宇宙個票房咁「靚仔」,唔頭痛就假。有乜辦法唔去揼嚇骨,等個人醒啲,諗計收科呀!

有傳甄子丹收一部半片酬拍咗兩集《冰封俠》,可惜不論中港,票房同投資都成反比。



鍾意就快D Share啦!