網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2014年5月15日 星期四

[壹週刊 1262] 不分男女 李思捷春卷假分手 春卷,李思捷,王寶寶,M1,




春卷明明宣布單身,但上週又同李思捷拍拖到圓方超市入貨,奇!

探熱針

不分男女 李思捷春卷假分手

唔怕黐牙鍾意雜食的李思捷,同王寶寶(春卷)拍拖四年,多次偷食斷正,偏偏女女忍得,多年來隻眼開隻眼閉。直至去年,李思捷與陳雅倫搞「姊弟戀」後,春卷單方面宣布分手,表面上回復單身的李思捷,更加肆無忌憚,早前被指力追胡杏兒又被拍得孖住春卷買傢俬,同前度關係撲朔迷離。上週,李思捷又同春卷拍住拖到超市買餸玩煮飯仔,斬纜純粹齋噏!

發晦氣

拍拖以來,李思捷一直唔肯承認春卷女友身份。去年與陳雅倫的緋聞搞到似層層,春卷終於打破沉默,向外發表單身宣言:「佢(李思捷)一向都多緋聞,我而家冇拖拍!我哋一直都只係 very good friend!」

「其實春卷只係發晦氣,同記者講話自己單身後,思捷冇氹佢不特止,仲話反正都講咗,咪扮分咗手囉!講到尾,都係方便佢自己繼續溝女啫!」知情人說。

冇得揀!春卷唯有配合,繼續擘大眼講大話,對男友言聽計從。

上月春卷被發現與凸腩中坑密會,臨走時更主動向對方送上 goodbye kiss。(《蘋果日報》圖片)

早前春卷著性感內衣在街頭拍攝微電影,李思捷亦專程前往探班。(《蘋果日報》圖片)

似足阿四

上週五(五月九日),二人拍拖到超市掃貨,李思捷全程做指揮,指指點點,春卷則跟足男友吩咐,願打願捱。

負責推住購物車的李思捷,大部分時間都只顧低頭㩒電話,與著住低胸衫、夾出三吋事業線的女友零身體接觸,又不時指手畫腳,吩咐春卷買呢樣、買嗰樣,只見她每攞起一樣嘢,都會先請示男友才放入車,似菲傭多過似女友。

在超市掃貨半粒鐘,刺身、凍肉、菜類、飲品乜都執啲!埋櫃位,春卷自動自覺將一車戰利品逐一入袋,一共買了三大袋,李思捷繼續繑埋手。之後二人行去停車場攞車,返歸玩煮飯仔。

李思捷不時指手畫腳,吩咐女友買呢樣、買嗰樣。

春卷全程負責揀嘢。

春卷低胸行超市,大騷事業線。

俾錢時,春卷將貨品入袋,李思捷繼續繑埋手講電話。

二人拎住戰利品到停車場攞車,準備返歸煮飯仔。

食得唔嘥

一向有雜食王之稱的李思捷,桃色新聞爆不停,「菜式」無分年齡、類型,只奉行食得唔好嘥。

Naomi

12年,與𡃁模 Naomi在澳門過夜斷正,其後女方明目張膽在 facebook示愛「 I Love J L」( Johnson Lee)。

陳雅倫

去年與大八年的陳雅倫玩姊弟戀,公然在街頭耍花槍又攬又錫,事後李思捷以拍《玩嘢王》為藉口,聲稱是夾緋聞呃觀眾。今年初,李思捷以男主人身份出席陳雅倫生日派對,全程貼身照顧,關係撲朔迷離。

胡杏兒

今年 3月,杏兒在微博上載一張攬住李思捷的親密照,並留言「我找到了」,疑似為公開戀情試水溫;上月,再以女主人身份出現對方 40歲生日 P,又幫思捷新居買傢俬,轉玩地下情。



鍾意就快D Share啦!