網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2014年5月22日 星期四

[壹週刊 1263 財經] 獨家 3D影相館 複製人類 M1,




上週六, Ivan到深井為 Henry和 Polly掃描影像,他指現時技術已可以令客人衣服的褶紋清晰顯示出來。

壹盤生意

獨家 3D影相館 複製人類

製造一個「複製人」,只需兩星期,說的不是有血有肉的人類,而是真人影像倒模而成的立體公仔,即 3D打印。

近年備受矚目的 3D打印技術,原本主要應用在商業範疇。代理 3D打印設備的馮兆恒( Ivan),有見日本已推出 3D影相服務,便照辦煮碗,於一年前開設 HK 3D Print Centre,幫客人拍攝相片,做成立體公仔。不少模型粉絲找上門,打印自己的頭像,安裝在電影或動漫人物模型上,一嘗做英雄的感覺。沒有門市,宣傳欠奉,靠著做獨市生意,仍月賺三萬元。

不過, 3D技術可複製「人類」,卻永遠無法「複製」親人。按樓打本給他創業的父親,未及看見兒子的成果便離世,成為 Ivan心裡解不開的結。

Henry和 Polly完成後的立體模型,約十二吋高, Ivan推出雙人優惠價三千八百元,以吸引情侶客。

上週六早上, Ivan帶同電腦及掃描器,來到 Henry和 Polly的深井屋企。這對情侶將於十一月結婚,希望訂製一對立體公仔。 Ivan取出掃描器,上下來回三百六十度掃描兩位客人,取得 3D影像,前後只需十分鐘。 Henry和 Polly從科網雜誌看到 Ivan公司的訪問,覺得有趣,便試玩一下,「我哋有個諗頭,就係每年都影一次,直到老為止,打印嘅時候要按比例,咁就可以睇到自己嘅變化。」 Polly興奮道:「呢啲 3D相印出來個樣同我哋好似﹗」

採集影像後, Ivan回到位於紅磡鶴園街工廈內的製作室,他解釋﹕「做呢啲潮流嘢,其實最好喺銅鑼灣和尖沙咀開鋪,先多人留意到,但生意額細,租喺旺區,錢都交曬俾地產商。」 Ivan笑指公司現時的運作模式,如同上世紀的影樓,要先預約,「嗰個年代,好少人買得起相機,同而家 3D影相市場一樣,以前影樓唔可以即影即有, 3D相亦要等兩個星期。」公司以網店形式運作,客人網上預約後,可到製作室,或客人指定的地方掃描影像,「有次個客人想影 BB,但掃描時人唔可以鬱,要等 BB瞓著時先做到,所以諗到加入上門掃描服務。」

3D打印步驟

打印

打印過程需時約兩個半小時。

吸粉

拉出印模,吸走多餘的石膏粉。

出土

立體公仔已成形,但未完全硬化,要小心取出。

沖涼

把立體公仔浸在 Z-Bond化學劑中,令其硬化及令顏色變得鮮艷。

模型友最 like

現時,相館主要客人是模型發燒友。他們會挑選喜愛的電影角色或動漫人物模型,然後要求打印自己的頭像, Ivan會將完成後的頭像和模型的身體接合在一起,收費約一千四百多元。「有客人將自己嘅頭像砌喺鐵甲奇俠模型上,滿足自己成為 Iron Man嘅幻想,仲可以擺唔同姿勢,啲模型迷覺得好玩。」 Ivan笑說。

另一主要客路是情侶或即將結婚的新人。例如從事市場推廣的楊先生,在今年情人節時,打印了自己手持示愛標語的立體公仔,送給女友做禮物,他表示﹕「呢個禮物夠曬特別,女朋友收到時好驚喜好滿意。」每個約十二吋高的 3D公仔,收費二千五百元,楊先生和 Polly都認為價錢偏貴,若能下調至一千元左右,會更有吸引力。

此外, Ivan亦有不少企業客戶,大多是設計行業,如首飾設計師畫好設計圖後,需要打印出實物,方便修改設計,他補充﹕「仲有醫療公司,曾經有牙醫將病人嘅牙床打印出來,手術前做參考,增加把握。」

近日有蜘蛛俠的電影上畫,模型迷利用 3D影像打印自己的

頭部,「變身」蜘蛛俠。

運動服飾品牌 adidas曾找 Ivan合作,找來松崗李娜等明星,拍攝立體相。

技術限制多 人才難求

立體相製作需時, Ivan坦言,客人仍未適應,「有啲客人,以為即影即印,好急先來影,最後唔夠時間整。」其實,掃描人像和打印並不複雜,最消耗時間是影像的後期處理,「一啲太細緻嘅部位,未必掃描得太清楚,如頭髮,以及褲襠嘅陰影等,全部要慢慢執。」 Ivan指有時客人要求太高,以為 3D相和影相一樣,「佢哋要求連手鐲等飾物都要打印出來,但其實係做唔到。」一位技術員最快要一日才能完成工序,而培訓一名熟手的技術員,需時一年。

Ivan指,人像以外的影像,如手錶、珠寶設計,又要使用另一套相應的軟件,「咁先可以修正到對應嘅影像,單係搵軟件嘅過程都幾辛苦。」此外, 3D打印無法辨別和打印透明物質,如客人戴無框眼鏡,便要在掃描時除下。而成品的大小亦有限制,現時 Ivan所提供的產品,最高只有三十五厘米。

3D影相最困難的環節是影像的後期處理,需要用電腦雕刻筆將影像的不清晰處修正。

Ivan店中使用的 3D打印機,售價約七十萬,因投資額大,不少行家不願意涉足大眾市場,令他做到獨市生意。

借橋日本 做獨市生意

這一行最大限制,就是器材昂貴,掃描器十八萬,打印機七十萬,軟件二十萬,加起來已過百萬。因此,現時市面提供由掃描到打印的大眾化 3D相館,只有 Ivan的公司,可說是獨市生意。從事 3D設備銷售十餘年的 Ivan,開店的想法源自一個廣告﹕「我睇到一段網上嘅片,係一間日本公司利用 3D打印技術,推出 3D影相,當時好震撼﹗」事實上, 3D打印技術在三十多年前已經面世,卻要到近年,才普及至民用,「日本人識得包裝,將佢變成消費品。我就諗,喺香港都有得做喎。」

Ivan指,近年設備銷售生意開始走下坡,「競爭者多咗,好多目標客戶都買咗,自己有技術有經驗,想試嚇開拓新的生意。」他指行家嫌利錢少,不肯涉足,「始終賣設備賺嘅利錢較大,而且對象係企業,落實訂單後就收到錢。」

珠寶公司幫襯 3D打印,將設計圖變成實物,這較製作樣板的成本為低。

飛虎隊亦是模型迷喜愛用來變身的角色之一。

父親離世 人生最痛

Ivan可說是 3D打印市場的先驅之一,記者問起創業因由時, Ivan突然流下男兒淚。原來,○三年經濟低迷時,在珠寶公司任職的 Ivan認為 3D打印設備很有潛力,想讓父母按樓借錢來創業。當時,患有癌症的爸爸,一度擔心若 Ivan生意失敗,被銀行收樓,媽媽便失去居所,因而大力反對,但媽媽堅持按樓幫助兒子。 Ivan紅著眼道﹕「我好想快啲還曬錢,○五年已經賺到一百萬,還曬貸款,但爸爸喺○四年就病逝,最後都冇辦法俾佢安心咁走。」

Ivan父親在內地時是一名西醫,來港後,要重新考取牌照,「佢有五、六年都一邊工作一邊應付考試,結果捱壞咗身體,但一直瞞住我哋。」爸爸原希望 Ivan能成為醫生,但他成績一般,最後入讀了城大的製造工程及工程管理學。不過,無心插柳下,當初的學識成為今日創業的基礎, Ivan安慰道﹕「而家我都有能力養活到家人同媽媽,希望爸爸知道會開心。」

入門版的 3D打印機,售價約一萬二千元,平常人也有能力買。

此機可製作簡單物件,如吹出聲音的哨子。

開業資料( 5/13)

租金^  19,500

人工  30,000

設備  1,080,000

裝修  20,000

宣傳  40,000

總投資  1,189,500

^二按一上

營運資料( 4/14)

營業額 $110,000

租金 $6,500

人工^ $35,000

材料 $35,200

電費 $2,000

盈利 $31,300

^2個技術人員、 1個文員

專家打分

Ivan的 3D影相打印生意暫時仍未有競爭者,本刊請來三位不同範疇的專家,為這盤生意打分,給予意見。

徐緣 廣告達人

成功指數 7.5分

1.生意夠獨特,屬潮流玩意,唔肯定有冇得長做,可以在較多中產讀者嘅玩樂或科技雜誌落廣告。

2.可向明星或公眾人物,如網絡紅人大埔 LuLu和司徒夾帶等,免費提供 3D影相服務,借助佢哋嘅粉絲,增加產品知名度。

3.另外,亦可做行銷公關( Marketing PR),即做一些會引起公眾和傳媒有興趣嘅產品,例如將泛民和建制派嘅人物,製作成象棋,將 3D影相服務「推上報(紙)」。

方保僑 香港資訊科技商會會長

成功指數 7分

1.器材成本貴,入行門檻高,所以呢盤生意起碼可做到兩、三年。

2.公司網站速度好慢!做網店來講好輸蝕。

3.要重點發展商業客戶,因為消費者嘅客戶相對唔穩定。

尹思哲 科網創業家

成功指數 7分

1.業務有新意,客人唔使識用,都體驗到 3D影相,一定有市場。

2.二千幾蚊對一般客人來講太貴,應定位主打某類客人,如較捨得花錢嘅結婚客。

3.新事物要先做好宣傳教育市場,可以拍片放喺 YouTube等網絡。



鍾意就快D Share啦!