網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2014年5月29日 星期四

[壹週刊 1264] 楊崢短訊謀復合 黃宗澤阿媽踩橫店監場 楊崢,黃宗澤,M1,




探熱針

楊崢短訊謀復合 黃宗澤阿媽踩橫店監場

黃宗澤與熟模楊崢的「姊弟情」光速玩完後,生人勿近的楊崢公告四月會到歐洲覓食寫書二十一日;但據了解,歐洲之旅一直未成行的楊崢,仍不時發短訊聯絡正於橫店拍劇的 Bosco,澤媽為防有詐及寶貝仔心軟被對方𦧲掂復合,不惜直踩北上,人肉監控!

咬住唔放

Bosco大熱天時著住西裝大褸埋位。

黃宗澤搭上楊崢,被蒙在鼓裡的澤媽激到血壓颷升,孝順的 Bosco唯有「棄女保母」,速斬「姊弟情」。分手後, Bosco四月飛橫店拍劇,有指被飛的楊崢死心不息,一直有以短訊聯絡 Bosco。

「楊崢係唔甘心,佢話唔明 Bosco點解可以話分手就分手,所以成日 keep住發短訊俾 Bosco,搏嚇仲有冇彎轉。」知情者說。

人肉監場

一口氣接了兩套劇集的 Bosco,一直要留在橫店開工,最快八、九月才返港。據知,醒爆的澤媽為防無所事事的楊崢乘虛而入,甚至人肉速遞上橫店𦧲復合,今個月初飛上橫店,探仔煲愛心湯散心為名,趕絕眼中釘楊崢為實。

「 Auntie真係好唔鍾意楊崢,雖然 Bosco已經即撇,又出盡辦法氹番阿媽,不過佢仲係好擔心,事關 auntie問過 Bosco『嗰隻嘢』仲有冇搵佢, Bosco笑住話冇見面,只係普通短訊來往。生仔知仔心肝, auntie擔心楊崢出蠱惑,踩上橫店當面𦧲, Bosco心軟咁就大鑊,加上個仔要喺上面留咁耐,所以五月頭同朋友飛咗上去成個禮拜,話就話睇嚇個仔,實情大家心照。」黃宗澤身邊人說。

澤媽飛杭州前,在登機閘口拍照並上載微信,留言探仔後會到普陀山避靜。



被 Bosco速撇的楊崢,公告天下會到歐洲寫書,但遲遲未起行,早前她應 Fancl老闆邀請到新餐廳試場,同場還有梁詠琪夫婦。

早收工的話, Bosco會到橫店附近的市場買食材回酒店煮飯,生活比香港更有規律。

不用埋位時, Bosco第一時間走入帳篷休息,有女助手貼身服侍的他,好架勢。

普陀山避靜

探班外,澤媽亦趁機離港避靜。今年二月初 Bosco爆出「姊弟情」後,牽涉其中的澤媽不勝其煩。「澤媽去完探 Bosco,就會去普陀山住幾日。呢兩個月佢不停被人問個仔嘅嘢,搞到心都煩埋,行開都好嘅,之前佢真係好唔開心,心情好差。」知情者說。

在內地一口氣接了兩套電視劇集的 Bosco,要在橫店留至八、九月。

澤媽在橫店期間,每天均煲定湯拎去片場。



鍾意就快D Share啦!