網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2014年5月29日 星期四

[壹週刊 1264] 欣宜吹脹 張玉珊頂硬上 張玉珊,欣宜,M1,




首度著泳衣幫自己公司做生招牌,張玉珊在拍攝前,更連續七日戒掉晚餐。

探熱針

欣宜吹脹 張玉珊頂硬上

一手幫欣宜減肥的張玉珊,雖然成功製造瘦身界神話,但近年欣宜勁食翻脹,令簽下的泳衣廣告合約一拖三年,仍無法履行。唔想無止境等待,張玉珊決定放棄 180磅欣宜,搵鬼妹仔貝安琪剝曬頂上外,連自己亦破例以泳衣上陣。「佢(欣宜)唔想減,我唔會勉強,最緊要佢健康同開心,喺我字典裡,靚係要自己創造!」張玉珊說。

唔願再減肥的欣宜,體重已過 180磅。

國內頂級攝影師陳漫,影相收費貴過一個代言人。

賣聲不賣身

原本跟修身堂尚有一輯泳衣合約的鄭欣宜,因為體重有上無落,令廣告拍攝時間一拖再拖,最終只能擱置計劃。

「份合約係有限期,而家已經過咗期,其實我身邊都有好多肥人,我明白如果想食嘢,要忍,係好辛苦。當初佢(欣宜)因為想入娛樂圈,要有一個突破俾大家見到,但而家佢把聲咁靚,唔使再用呢個(瘦身)做賣點,最緊要係佢覺得健康同開心!」張玉珊說。

飛走欣宜,張玉珊全新一輯廣告,由鬼妹仔貝安琪做代言人,其中一輯相,更全裸拍攝。「因為要全裸,所以影嘅時候要清曬場,得番攝影師同 Ankie(貝安琪)兩個,加上只係用煙遮住重要部位,控制啲煙都相當有難度。」

經常要四圍飛的張玉珊,難得人在香港,便爭取時間到時代廣場購物,之後再急急腳返回銅鑼灣公司。

曾同一時間,搵齊性感女神朱茵、何超儀、安雅、蒙嘉慧拍泳衣廣告。

𡃁模變總裁

在娛樂圈最後一套作品《七姊妹》。

15歲被星探發掘的張玉珊,接拍香口膠廣告入行,曾拍過多部電視劇、出唱片及擔任節目主持,其代表作包括《新上海灘》、《妙手仁心》、《七姊妹》等。 01年退出娛樂圈,轉戰商界,涉足纖體行業,並創辦修身堂,提供減肥療程及美容產品。兩年後,公司在香港創業板上市,張玉珊成為香港最年輕的上市公司女總裁。近年業務更擴展到北京、上海、杭州等地,短短幾年,張玉珊由𡃁模搖身一變成為億萬富婆。

腰酸背痛

貝安琪全裸去到盡,但其實好戲在後頭,身為老闆的張玉珊破戒著泳衣親自出鏡,全因被好友兼中國知名女攝影師陳漫打動。「佢一路都想幫我影輯性感相,我都覺得佢講得好啱,而家唔影,唔通等到老咗先嚟影咩!」

來自北京的陳漫,知名度遠至美國,連碧咸老婆 Victoria的寫真,亦指定要陳漫操刀。「佢唔只幫我影相,連泳衣都幫我搵埋,我成個禮拜冇食晚餐呀。」

到正式埋位,經驗豐富的張玉珊亦笑言從未試過咁辛苦。「佢整咗個單槓喺上面,我要一隻手捉住,另一隻手又要披住件衫,但腳尖要向住鏡頭掂地,唔使十幾秒,我成個額頭已經標曬汗,影完嗰晚,我要搵按摩師揼骨。」

張玉珊睇中貝安琪有美國血統的性感特質,其中一張廣告相更是全裸出鏡。

貝安琪拍完《巨輪》,再全裸做代言人,落力谷人氣。

欣宜減肥成功,當時的清純孖辮妹形象引起熱話。

少食多餐

搞瘦身生意多年,張玉珊亦有自己一套的瘦身秘訣。

「我會少食多餐,唔會俾自己肚餓,亦唔會俾自己過飽,呢個方法,係我喺美國訓練返嚟,嗰邊啲分量係 jumbo size,叫一個餐根本食唔曬,所以每次同朋友食飯,我會喺每個朋友嗌嘅餐入面,攞少少嚟食,佢哋次次都食唔曬,但我就啱啱好,當然都要做運動平衡番先得。」張玉珊說。

經典回憶

減肥是女性終身事業,張玉珊歷年來搵過多位藝人做瘦身代言,省靚修身堂招牌,創下不少減肥神話,當中最成功例子,始終是當年體重驚人的欣宜。

鄭欣宜

03年,肥姐搵張玉珊幫 235磅的寶貝女減肥,在加拿大讀書的欣宜日日做機,張玉珊更專程派營養師飛到當地監督欣宜飲食,令她一年內成功減走一百磅。 05年,欣宜推出《我的減肥日記》大賣 15萬本,創下瘦身神話。

Twins

天生一雙「甲組腳」兼水桶腰的阿嬌鍾欣桐, 03年以百萬酬勞擔任修身堂代言人,成功趕走「象腿」,勁減十六磅, 05年張玉珊更起用 Twins齊以三點式泳衣上陣拍廣告。

章小蕙

01年,當時 38歲的章小蕙是修身堂第一代代言人,在兩個月內極速減去 18磅。 07年,章小蕙再搵張玉珊幫手,打針兼隆鼻削面,成為修身堂首個「變臉」代言人。

朱茵

02年被拍到在公園跑步一身豬腩肉,不少瘦身廣告商紛紛向朱茵招手,最後她與修身堂合作,首次穿三點式泳衣騷 35D拍廣告。

樂基兒

當年榮升「黎明嫂」的 Galie身價暴漲,老公派出自己的經理人陳善之出面商討,最終以百萬拍板成為修身堂代言人,處女拍纖體廣告。



鍾意就快D Share啦!