掃呢頁CODE去手機

2014年5月6日 星期二

【年年25】63歲阿倫打羽毛球keep fit 克勤化身龍友勁影 克勤,譚詠麟,阿倫,李克勤,




【年年25】63歲阿倫打羽毛球keep fit 克勤化身龍友勁影

2014-05-06 15:07:00



校長譚詠麟前日先打完羽毛球,噚日又打,今朝一早又去踢波,真係好似25歲咁精力旺盛。(微博圖片)

年年25歲嘅校長譚詠麟(阿倫),之所以可以「年年25」,之唔係因為佢鍾意做運動囉!

話說前日阿倫同友人打完羽毛球,似乎意猶未盡,加上又俾好友李克勤喺微博話佢:「請問譚丹……球在哪兒?」

於是噚日阿倫再打過,而李克勤就全程化身龍友,喺咁勁影阿倫打波英姿,呢場球賽就喺阿倫微博上進行「直播」。第一局「阿倫隊」先輸17:21之後,第二局追返嬴21:13。

終於進入決勝局,扣殺、回防、放網...兩方施展渾身解數,經過一輪奮戰後,最終「阿倫隊」以21:11獲勝。阿倫亦相當滿意克勤影嘅靚相,唔止勁貼上網,仲換咗克勤影低佢扣殺一刻嘅相,嚟做微博頭像添。

雖然噚日打咗成日波,不過阿倫今朝一早又去咗踢波,認真好精力,難怪keep到年年25歲啦﹗



先輸一局(微博圖片)



同波友商討對策(微博圖片)



球來球往(微博圖片)



第三回合嚟個飛身扣殺,係咪型先?(微博圖片)



最終以21:11獲勝(微博圖片)



今朝一早又去咗踢波(微博圖片)



踢到成頭大汗(微博圖片)



未開波前先影張合照(微博圖片)



鍾意就快D Share啦!