掃呢頁CODE去手機

2014年5月21日 星期三

一提細佬泣不成聲 黎姿:佢講嘢都唔係太好...... 黎姿,




【聞者心酸】一提細佬泣不成聲 黎姿:佢講嘢都唔係太好......

2014-05-20 23:46:00



(攝影:陳慧安)

自從07年黎姿個細佬黎嬰,遇上車禍後,黎姿就接手細佬間醫學皮膚診所,今日黎姿出席皮膚護理中心開幕時,佢好坦白咁話,當時係人生嘅低點:「我接手後,接二連三都想放棄,對住盤數、合約係咁喊,唔知點好,但每次同昏迷嘅細佬匯報診所嘅事,佢都有反應,所以我接手。」

姊弟情深嘅佢,雖然初初得唔到老公馬廷強嘅支持,但係憑住佢嘅堅持,最終都得到老公認同。

佢仲話而家好想組成團隊,去到內地山區幫人醫治皮膚病,呢個係心願。

不過講到細佬嘅情況,黎姿就一度落淚話:「佢要坐輪椅,因為行動唔太好,要做物理治療、言語治療,好多治療,有時可以企喺身,但佢講嘢……」

講到呢度,黎姿開始泣不成聲,佢啜住泣續道:「但佢講嘢……都唔係太好,希望佢多啲訓練,多啲講嘢就好。」放心啦,有你同屋企人支持,相信黎嬰嘅情況好快就會有改善!

咁3個囡囡呢?黎姿就話時間過得好快,大女同二女已經4歲,細女都就嚟2歲,不過自己就唔係怪獸家長:「我覺得學分都係其次,仁德先係最重要。」



提起細佬黎嬰,黎姿即眼濕濕



工作人員即送上紙巾



黎姿話:「佢要坐輪椅,因為行動唔太好,要做物理治療、言語治療,好多治療....」



睇見都心酸...



加油﹗



佢仲話:「希望佢多啲訓練,多啲講嘢就好。」



07年黎姿個細佬黎嬰遇上車禍(資料圖片)



(資料圖片)



黎姿同細佬黎嬰合照。(資料圖片)



鍾意就快D Share啦!